قازاقستان قۇراماسى فيزيكادان ەڭ بەدەلدٸ حالىقارالىق بٸلٸم دوداسىندا ەل تاريحىنداعى ەڭ ٷزدٸك نەتيجەگە قول جەتكٸزدٸ, دەپ حابارلايدى dalanews.kz.
4-12 شٸلدە ارالىعىندا كولۋمبييانىڭ بۋكارامانگا قالاسىندا ٶتكەن 56-شى حالىقارالىق فيزيكا وليمپياداسىندا (International Physics Olympiad, IPhO) ۇلتتىق قۇرامانىڭ بەس مٷشەسٸ دە التىن مەدال جەڭٸپ الدى.
بيىلعى وليمپياداعا ەلەمنٸڭ 85 ەلٸنەن 381 وقۋشى قاتىستى. قاتىسۋشىلار كٷردەلٸ تەورييالىق جەنە ەكسپەريمەنتتٸك تاپسىرمالاردى ورىنداپ, بٸلٸمدەرٸ مەن عىلىمي دايارلىقتارىن سىنعا سالدى.
قازاقستاندىق جاس فيزيكتەر جوعارى دايىندىق دەڭگەيٸن كٶرسەتٸپ, بەس التىن مەدال يەلەندٸ. بۇل - قازاقستاننىڭ IPhO وليمپياداسىنا قاتىسۋ تاريحىنداعى ەڭ ٷزدٸك نەتيجە.
التىن مەدال يەگەرلەرٸ:
- ەگەنبەرگەنوۆا نۇرگٷل - استانا قالاسىنداعى NURORDA مەكتەپ-ليتسەيٸنٸڭ 11-سىنىپ وقۋشىسى;
- ازاتبەكوۆ اميربەك - استانا قالاسىنداعى جاراتىلىستانۋ-ماتەماتيكا باعىتىنداعى NIS-تٸڭ 12-سىنىپ وقۋشىسى;
- قازىمبەك يليياس - استانا قالاسىنداعى Spectrum International School مەكتەبٸنٸڭ 12-سىنىپ وقۋشىسى;
- چەرەمنوۆ رومان - الماتى قالاسىنداعى "ميراس" حالىقارالىق مەكتەبٸنٸڭ 12-سىنىپ وقۋشىسى;
- قۇرمان دامير - استانا قالاسىنداعى جاراتىلىستانۋ-ماتەماتيكا باعىتىنداعى NIS-تٸڭ 11-سىنىپ وقۋشىسى.
بۇل تاريحي جەتٸستٸككە ۇلتتىق قۇراما ٷش جىل بويى جٷيەلٸ دايىندالعان. كوماندانى مەكتەپ مۇعالٸمدەرٸ, تەلٸمگەرلەرٸ جەنە ۇلتتىق قۇرامانىڭ جاتتىقتىرۋشىلارى دايىنداعان.
ايتا كەتەيٸك, حالىقارالىق فيزيكا وليمپياداسى 1967 جىلدان بەرٸ ٶتكٸزٸلٸپ كەلەدٸ. قازاقستان بۇل بٸلٸم دوداسىنا 1997 جىلدان بەرٸ تۇراقتى قاتىسىپ كەلەدٸ. 2025 جىلى ۇلتتىق قۇراما ەكٸ كٷمٸس جەنە ٷش قولا مەدال جەڭٸپ العان بولسا, بيىل ەلٸمٸزدٸڭ بەس وقۋشىسى دا التىن مەدال يەلەنٸپ, قازاقستان تاريحىندا بۇرىن-سوڭدى بولماعان نەتيجەگە قول جەتكٸزدٸ.
