– وبلىس اكىمى دانيال كەنجەتاي ۇلىنىڭ باستاماسىمەن «ءبىر قاباتتى شىعىس» جوباسى بويىنشا 2021 جىلى اۋداندا مەملەكەتتىك-جەكە مەنشىك ارىپتەستىك اياسىندا جەكە كاسىپكەرلەر قاراجاتى ەسەبىنەن جالپى اۋدانى 3960 شارشى مەتردى قۇرايتىن 25 تۇرعىن ءۇي، 50 پاتەر سالۋعا 554،4 ملن تەڭگە ءبولىندى. ءقازىر قۇرلىس جۇمىستارى جۇرگىزىلۋدە. ۇيلەر مۇقتاج ادامدارعا پايدالانۋعا بەرىلەتىن بولادى. ءبىر پاتەردىڭ كولەمى 60،90 شارشى مەتردى قۇرايدى، – دەيدى اسحات اسحات سايداحمەت ۇلى.
اتاپ ايتساق اقسۋات اۋىلىنان ەكى پاتەرلى 10 تۇرعىن ءۇي، 20 پاتەر، اقجار اۋىلىنان ەكى پاتەرلى 9 تۇرعىن ءۇي، 18 پاتەر، ەكپىن اۋىلىنان ەكى پاتەرلى 1 تۇرعىن ءۇي، ماڭىراق اۋىلىنان ەكى پاتەرلى 1 تۇرعىن ءۇي، جاڭااۋىل اۋىلىنان ەكى پاتەرلى 1 تۇرعىن ءۇي، جەتىارال اۋىلىنان ەكى پاتەرلى 1 تۇرعىن ءۇي، قۇيعان اۋىلىنان ەكى پاتەرلى 1 تۇرعىن ءۇي، جالاڭاش اۋىلىنان ەكى پاتەرلى 1 تۇرعىن ءۇي سالىنۋدا.
