رۇستەم رىسباي ۇلى داۋلەت 1974 جىلى تۋعان، ۇلتى – قازاق، ءبىلىمى – جوعارى. 1996 جىلى «ەلتەكس» جامبىل جوعارعى كاسىپكەرلەر مەكتەبىن «ماركەتينگ جانە كوممەرسيا»، 2003 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن «مەملەكەتتىك باسقارۋ» جانە 2010 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن «قۇقىقتانۋ» ماماندىقتارى بويىنشا بىتىرگەن.
ەڭبەك جولىن 1994 جىلى «بوستاندىق» اكسيونەرلىك قوعامىندا جۇمىسشى بولىپ باستاعان. 1995-2000 جىلدارى تالاس اۋدانى بوستاندىق اۋىلدىق وكرۋگى اكىمىنىڭ ورىنباسارى، اكىمى، 2000-2002 جىلدارى قاراتاۋ قالاسى اكىمىنىڭ ورىنباسارى، 2002-2003 جىلدارى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىندا تىڭداۋشى بولعان.
2003-2004 جىلدارى قازاقستان رەسپۋبليكاسى پارلامەنتى سەناتى اپپاراتىنىڭ كونسۋلتانتى، قازاقستان رەسپۋبليكاسى يندۋستريا جانە ساۋدا مينيسترلىگىنىڭ ساۋدا كوميتەتىندە باسقارما باستىعى، 2004-2011 جىلدارى قازاقستان رەسپۋبليكاسى پارلامەنتى سەناتى ءتوراعاسى ورىنباسارىنىڭ، سەنات دەپۋتاتىنىڭ كومەكشىسى بولعان. سونداي-اق 2011-2013 جىلدارى جامبىل اۋدانى اكىمىنىڭ ورىنباسارى، 2013-2015 جىلدارى جامبىل اۋدانىنىڭ اكىمى جانە 2015-2017 جىلدارى شۋ اۋدانىنىڭ اكىمى قىزمەتتەرىن اتقارعان.
