Tarazǵa jańa ákim taǵaiyndaldy
Rústem Rysbaiuly Dáýlet 1974 jyly týǵan, ulty – qazaq, bilimi – joǵary. 1996 jyly «Elteks» Jambyl joǵarǵy kásipkerler mektebin «marketing jáne kommertsiia», 2003 jyly Qazaqstan Respýblikasy Prezidenti janyndaǵy Memlekettik basqarý akademiiasyn «memlekettik basqarý» jáne 2010 jyly M.H.Dýlati atyndaǵy Taraz memlekettik ýniversitetin «quqyqtaný» mamandyqtary boiynsha bitirgen.
Eńbek jolyn 1994 jyly «Bostandyq» aktsionerlik qoǵamynda jumysshy bolyp bastaǵan. 1995-2000 jyldary Talas aýdany Bostandyq aýyldyq okrýgi ákiminiń orynbasary, ákimi, 2000-2002 jyldary Qarataý qalasy ákiminiń orynbasary, 2002-2003 jyldary Qazaqstan Respýblikasy Prezidenti janyndaǵy Memlekettik basqarý akademiiasynda tyńdaýshy bolǵan.
2003-2004 jyldary Qazaqstan Respýblikasy Parlamenti Senaty apparatynyń konsýltanty, Qazaqstan Respýblikasy Indýstriia jáne saýda ministrliginiń Saýda komitetinde basqarma bastyǵy, 2004-2011 jyldary Qazaqstan Respýblikasy Parlamenti Senaty tóraǵasy orynbasarynyń, Senat depýtatynyń kómekshisi bolǵan. Sondai-aq 2011-2013 jyldary Jambyl aýdany ákiminiń orynbasary, 2013-2015 jyldary Jambyl aýdanynyń ákimi jáne 2015-2017 jyldary Shý aýdanynyń ákimi qyzmetterin atqarǵan.
