تارازداعى ناشار جولدار ءۇشىن تكش بولىمىنە 6،2 ملن تەڭگە ايىپپۇل سالىندى، دەپ حابارلايدى Dalanews.kz.
تاراز قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى قورداي اۋدانى اكىمدىگىنىڭ "تكش، جولاۋشىلار كولىگى جانە اۆتوموبيل جولدارى ءبولىمى" كمم-نە كوشە-جول جەلىسىنىڭ جاعدايىن جاقسارتۋ جونىندەگى پوليسيانىڭ 16 نۇسقاماسىن ورىنداماعانى ءۇشىن 6،2 ميلليون تەڭگەدەن استام ايىپپۇل سالدى.
2025 جىلدىڭ اقپان-ناۋرىز ايلارىندا تاراز قالالىق پوليسيا ءبولىمى قورداي اۋدانى اكىمدىگىنە 16 نۇسقاما جولداعان، الايدا ولار بەلگىلەنگەن مەرزىمدە ورىندالماعان. وسىعان بايلانىستى 16 اكىمشىلىك حاتتاما تولتىرىلىپ، سوت ولاردى ءبىر ءىس جۇرگىزۋگە بىرىكتىردى. تكش ءبولىمى وكىلى بۇعان كونكۋرستىق راسىمدەر مەن مەملەكەتتىك ساتىپ الۋلار سەبەپ بولعانىن ايتتى. الايدا سوتتىڭ باسپا ءسوز قىزمەتى حابارلاعانداي، كىنا ءىس ماتەريالدارىمەن – نۇسقامالار مەن تاراز قالاسىنىڭ كوشە-جول جەلىسىن كەشەندى زەرتتەۋ اكتىلەرىمەن دالەلدەنگەن.
سوت قاۋلىسىمەن كمم اقبتك-نىڭ 462-بابىنىڭ 3-بولىگى – "مەملەكەتتىك باقىلاۋ ورگاندارى شىعارعان زاڭدى تالاپتاردى نەمەسە نۇسقامالاردى، ۇسىنۋلاردى، قاۋلىلاردى ورىنداماۋ نەمەسە تيىسىنشە ورىنداماۋ" بويىنشا كىنالى دەپ تانىلىپ، 6،2 ملن تەڭگەدەن استام ايىپپۇل سالىندى.
