Tarazdaǵy nashar joldar úshin TKSh bólimine 6,2 mln teńge aiyppul salyndy, dep habarlaidy Dalanews.kz.
Taraz qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty Qordai aýdany ákimdiginiń "TKSh, jolaýshylar kóligi jáne avtomobil joldary bólimi" KMM-ne kóshe-jol jelisiniń jaǵdaiyn jaqsartý jónindegi politsiianyń 16 nusqamasyn oryndamaǵany úshin 6,2 million teńgeden astam aiyppul saldy.
2025 jyldyń aqpan-naýryz ailarynda Taraz qalalyq politsiia bólimi Qordai aýdany ákimdigine 16 nusqama joldaǵan, alaida olar belgilengen merzimde oryndalmaǵan. Osyǵan bailanysty 16 ákimshilik hattama toltyrylyp, sot olardy bir is júrgizýge biriktirdi. TKSh bólimi ókili buǵan konkýrstyq rásimder men memlekettik satyp alýlar sebep bolǵanyn aitty. Alaida sottyń baspasóz qyzmeti habarlaǵandai, kiná is materialdarymen – nusqamalar men Taraz qalasynyń kóshe-jol jelisin keshendi zertteý aktilerimen dáleldengen.
Sot qaýlysymen KMM ÁQBtK-niń 462-babynyń 3-bóligi – "Memlekettik baqylaý organdary shyǵarǵan zańdy talaptardy nemese nusqamalardy, usynýlardy, qaýlylardy oryndamaý nemese tiisinshe oryndamaý" boiynsha kináli dep tanylyp, 6,2 mln teńgeden astam aiyppul salyndy.
