تاراز قالاسىندا پروكۋراتۋرا جٷرگٸزگەن تەكسەرۋلەر نەتيجەسٸندە زاڭسىز يەمدەنٸلگەن 10-نان استام پەتەر كوممۋنالدىق مەنشٸككە قايتارىلدى, دەپ حابارلايدى Dalanews.kz.
قالا پروكۋراتۋراسىنىڭ مەلٸمەتٸنشە, انىقتالعان پەتەرلەردٸڭ جالپى نارىقتىق قۇنى 100 ملن تەڭگەدەن اسادى. پروكۋروردىڭ باستاماسىمەن اپەللياتسييالىق ساتى بٸرٸنشٸ ينستانتسييا سوتىنىڭ شەشٸمٸن جويىپ, قۇنى 15 ملن تەڭگە بولاتىن ەكٸ بٶلمەلٸ پەتەردٸ مەملەكەت مەنشٸگٸنە قايتارۋ تۋرالى جاڭا قاۋلى شىعارعان.
تەكسەرۋ بارىسىندا ازاماتتىڭ پەتەردٸ قالا تۇرعىنىنان قولحات ارقىلى العانى, كەيٸن ونى زاڭدى تٷردە ساتىپ الدىم دەپ سوتقا جٷگٸنگەنٸ بەلگٸلٸ بولعان. بٸرٸنشٸ ساتىداعى سوت تالاپتى قاناعاتتاندىرعانىمەن, اپەللياتسييا كەزٸندە تالاپكەردٸڭ پەتەردٸ ساتىپ العانىن جەنە وندا جەتٸ جىل بويى ٷزدٸكسٸز تۇرعانىن راستايتىن قۇجاتتاردى ۇسىنباعانى انىقتالدى.
سونىمەن قاتار پروكۋراتۋرا قالا ەكٸمدٸگٸنە قاراۋسىز قالعان جىلجىمايتىن مٷلٸك نىساندارىنا قاتىستى شارا قابىلداۋ جٶنٸندە قاداعالاۋ اكتٸسٸن ەنگٸزگەن. نەتيجەسٸندە سوت ەكٸمدٸكتٸڭ تالاپ-ارىزدارىن قاناعاتتاندىرىپ, ەكٸ پەتەر مەن جەر تەلٸمٸ بار بٸر تۇرعىن ٷيدٸ يەسٸز دەپ تانىپ, كوممۋنالدىق مەنشٸككە بەرگەن. بۇل نىسانداردىڭ جالپى قۇنى شامامەن 30 ملن تەڭگەنٸ قۇرايدى. تاعى ٷش پەتەر بويىنشا سوت ٸستەرٸ قارالۋ ساتىسىندا.
بۇدان بٶلەك, تٸركەۋشٸ ورگان تاعى ٷش پەتەردٸ يەسٸز مٷلٸك رەتٸندە ەسەپكە الدى.
پروكۋراتۋرا ٶكٸلدەرٸ 2025 جىلدىڭ سەۋٸر ايىندا دا كوممۋنالدىق مەنشٸككە 10 پەتەر قايتارىلعانىن ەسكە سالدى. ول تۇرعىن ٷيلەر ەلەۋمەتتٸك وسال توپتاعى, باسپاناعا مۇقتاج ازاماتتارعا بەرٸلگەن.
قالا پروكۋراتۋراسى زاڭسىز الىنعان تۇرعىن ٷيلەردٸ مەملەكەت مەنشٸگٸنە قايتارۋ جۇمىستارى جالعاساتىنىن مەلٸمدەدٸ.
