كونە شاھاردىڭ "ۇلى دالا" ىقشاماۋدانىنان سالىنعان تۇرعىن ءۇي كىلتتەرىن تابىستاۋ سالتاناتىنا وبلىستىق ءماسليحات حاتشىسى ابدالى نۇرالييەۆ، تاراز قالاسىنىڭ اكىمى باقىتجان ورىنبەكوۆ جانە "وتباسى بانك" اق باسقارما ءتورايىمىنىڭ ورىنباسارى نۇرلان اقشانوۆ پەن جامبىل وبلىستىق فيليالىنىڭ ديرەكتورى نۇرلان سۇلتانوۆ قاتىسىپ، پاتەر يەلەرىن قۋانىشتارىمەن قۇتتىقتادى.
بيىل تاراز قالاسىندا 42 تۇرعىن ءۇيدىڭ قۇرىلىسى جۇرگىزىلىپ جاتىر، جىل سوڭىنا دەيىن 2820 پاتەر پايدالانۋعا بەرىلمەكشى.
– ەل تۇرعىندارىن قولجەتىمدى باسپانامەن قامتاماسىز ەتۋ ءۇشىن اۋقىمدى جۇمىستار اتقارىلىپ، جىل سايىن قوماقتى قارجى ءبولىنىپ جاتىر. مەملەكەت باسشىسى قاسىم-جومارت توقايەۆتىڭ باستاماسىمەن باياندى جوبالار باعدارىن تاۋىپ، حالىق باسپانا باقىتىنا كەنەلۋدە.
سونداي باعدارلامانىڭ ءبىرى «باقىتتى وتباسىمەن» بۇگىن ءبىرتالاي تارازدىق وتباسى باسپانا باقىتىنا بولەنۋدە. سوڭعى ونجىلدىقتىڭ بەدەرىندە تاراز قالاسىندا جاڭا ىقشام اۋداندار بوي كوتەرىپ، تۇرعىن ءۇي سانى ارتا ءتۇستى. جالپى، سوڭعى 4 جىل كولەمىندە (2019-2023 جىلدارى) تاراز قالاسى بويىنشا 5 800 پاتەر بەرىلسە، مەملەكەتتىك باعدارلامالار ارقىلى 3 844 ازامات باسپانالى بولدى، ال پاتەر كەزەگىندە تۇرعان ازاماتتارعا 1 956 پاتەر بەرىلدى.
بيىل سالىناتىن 42 تۇرعىن ءۇيدىڭ تورتەۋىنىڭ قۇرىلىس جۇمىستارى اياقتالىپ، 460 پاتەر ءوز يەلەرىنە تابىستالدى. ءۇي سالىناردا تۇرعىنداردىڭ سۇرانىسى ەسكەرىلەدى. ماسەلەن، بۇگىنگى بەرىلىپ وتىرعان ۇيدە بالالار ويىن الاڭى، سپورت الاڭشالارى دا سالىنعان.
مۇنىڭ ءبارى تۇرعىنداردىڭ سۇرانىسىنا قاراي جاسالعان جۇمىستار. جاڭا ۇيلەر بوي كوتەرىپ جاتقان ۇلى دالا ىقشاماۋدانى – تاراز قالاسىنىڭ ەڭ ۇلكەن اۋدانى. الداعى ۋاقىتتا بۇل ىقشاماۋداندا ايتارلىقتاي اۋقىمدى جۇمىستار جۇرگىزىلەدى. ءدال وسى جەردەن كولەمى 10 گەكتاردى قۇرايتىن ساياباق سالىناتىن بولادى. ءقازىر بۇل ىقشاماۋداندا 4 مەكتەپتىڭ قۇرىلىسى ءجۇرىپ جاتىر، ونىڭ ەكەۋى زاماناۋي «جايلى مەكتەپ» باعدارلاماسىمەن سالىنۋدا، – دەگەن تاراز قالاسىنىڭ اكىمى باقىتجان ورىنبەكوۆ جاڭا پاتەرلى بولىپ جاتقان تۇرعىندارعا قۇتتى قونىس تىلەدى.
وتباسى بانك "2-10-20" باعدارلاماسى بويىنشا 16 مىڭنان استام قازاقستاندىق وتباسىنىڭ جەكە پاتەر ساتىپ الۋىنا مۇرىندىق بولعان. اتالمىش باعدارلامانى جۇزەگە اسىرۋ ءۇشىن بيىل بانككە رەسپۋبليكالىق بيۋدجەتتەن 20 ميلليارد تەڭگە بولىنگەن.
– تابىسى تومەن وتباسىلارعا تۇرعىن ءۇي ساتىپ الۋعا ارنالعان "2-10-20" باعدارلاماسىنا قاتىسۋشىلار 2 پايىزدىق مولشەرلەمەمەن جەڭىلدەتىلگەن نەسيە الا الادى.
ياعني، بۇل باعدارلاماعا قاتىسۋشى العاشقى جارناسىنا باسپانا باعاسىنىڭ 10 پايىزىن تولەپ، قالعان سومانى 20 جىلعا ءبولىپ وتەيدى. جاقىن ارادا جاڭا وتىنىمدەردى قابىلداۋ باستالاتىنىن قوسىمشا حابارلايتىن بولامىز.
تۇرعىن ۇي-كوممۋنالدىق ينفراقۇرىلىمدى دامىتۋدىڭ 2023-2029 جىلدارعا ارنالعان تۇجىرىمداماسىنا سايكەس باعدارلاما شارتتارىنا وزگەرىستەر ەنگىزىلدى. ەندى "جەتىم جانە اتا-اناسىنىڭ قامقورلىعىنسىز قالعان بالالار"، "I جانە II توپتاعى مۇگەدەكتىگى بار ادامدار" ساناتتارى بويىنشا تۇرعىن ۇيگە كەزەكتە تۇرعان قازاقستاندىقتار دا باعدارلاماعا قاتىسا الادى.
ءارقايسىمىز ءۇشىن جاڭا، ەڭ باستىسى، ءوزىمىزدىڭ جەكە پاتىرىمىزگە كوشۋ - ومىردەگى اسا ماڭىزدى ءارى قۋانىشتى وقيعا. پاتەرلەرىڭىزدە بالالاردىڭ كۇلكىسى ءجيى ەستىلىپ، ءىشى جىلۋلىق پەن جايلىلىققا تولى بولۋىنا تىلەكتەسپىن. بۇگىنگى تاڭدا وتباسى بانك «2-10-20» باعدارلاماسى بويىنشا 16 مىڭنان استام قازاقستاندىق وتباسىنا جەكە باسپانا الۋعا كومەكتەستى.
باعدارلامانىڭ بولاشاق قاتىسۋشىلارى ءۇشىن جاقسى جاڭالىعىمىز بار. بيىل بانككە رەسپۋبليكالىق بيۋدجەتتەن 20 ميلليارد تەڭگە ءبولىندى. بۇل باسقا قاتىسۋشىلار دا 2 پايىزدىق مولشەرلەمەمەن جەڭىلدەتىلگەن نەسيە الا الادى دەگەن ءسوز.
جاقىن ارادا جاڭا وتىنىمدەردى قابىلداۋ باستالادى، ونى قوسىمشا حابارلايمىز، – دەگەن "وتباسى بانك" اق باسقارما ءتورايىمىنىڭ ورىنباسارى نۇرلان اقشانوۆ باسپانالى بولعان تارازدىقتاردىڭ باقىتىنا تىلەكتەستىگىن جەتكىزدى.
ايتا كەتەيىك، بۇگىن يەسىن تاپقان پاتەرلەردىڭ قۇنى ءبىر شارشى مەترگە 160 مىڭ تەڭگەمەن باعالانعان.
– ءار ادامنىڭ ءومىرىنىڭ ءتۇپ نەگىزى – ءوز ءۇيىنىڭ، وشاعىنىڭ بار بولۋى. وتباسىنىڭ بەرەكەسى دە وسىعان بايلانىستى. «ءۇيى جوقتىڭ كۇيى جوق» دەپ حالىق بەكەر ايتپايدى. وتباسى بانكىنەن تۇرعىن ءۇي الۋ ماقساتىندا دەپوزيت اشىپ، «باقىتتى وتباسى» باعدارلاماسىمەن ءوز باسپاناما بۇگىن قولىم جەتتى. وتە قۋانىشتىمىن جانە وتباسىمنىڭ اتىنان ريزاشىلىعىمدى بىلدىرەمىن. ەل يگىلىگى ءۇشىن جاسالعان وسىنداي يگى باستامالار جالعاسىن تابا بەرسىن.
حالىقتىڭ يگىلىگىنە ارنالعان جۇمىستار جەمىستى بولۋىنا تىلەكتەسپىن. مەنىڭ وتباسىممەن بىرگە بۇگىن ءۇيلى بولىپ جاتقان كورشىلەرىمە دە جاڭا قونىسىمىز جايلى بولۋىن تىلەيمىن، – دەگەن قالامقاس مامبەتالييەۆا قۋانىشىن كوپپەن ءبولىستى.
"وتباسى بانك" اق باسقارما ءتورايىمىنىڭ ورىنباسارى نۇرلان اقشانوۆتىڭ ايتۋىنشا، جامبىل وبلىسىندا جاس وتباسىلارعا ارنالعان «اۋليەاتا جاستارى» باعدارلاماسى دا ءساتتى جۇزەگە اسىپ كەلەدى.
وبلىس اكىمشىلىگى مەن وتباسى بانك بىرلەسىپ جۇرگىزىپ وتىرعان بۇل باعدارلاماعا مەديسينا، ءبىلىم، مادەنيەت، سپورت سالاسىنىڭ قىزمەتكرەلەرى مەن جۋرناليست جاستار قاتىسا الادى. وعان بيىل 2 ميلليارد تەڭگە بولىنگەن، بۇل 130 جاس وتباسىن باسپانامەن قامتاماسىز ەتۋگە جەتەدى.
باعدارلاما ارقىلى باسپانا باعاسىنىڭ 10 پايىزىن العاشقى جارنا رەتىندە تولەپ، نەسيەنى 5 پايىزدىق جەڭىلدەتىلگەن شارتتارمەن الۋعا مۇمكىندىك بار. مەملەكەتتىك باعدارلامالاردى ىسكە اسىرىپ، ەل ازاماتتارىنىڭ ءۇي الۋىنا مۇمكىندىك تۋعىزىپ وتىرعان وتباسى بانكىنىڭ باستى ماقساتى – قازاقستاندىقتاردىڭ باسپانالى بولۋىنا جاعداي جاساۋ.
قامار قاراسايەۆا،
تاراز قالاسى.
