تاراز قالاسىنداعى №2 سوتتا قالالىق كٶپبەيٸندٸ اۋرۋحانانىڭ باس دەرٸگەرٸنٸڭ ورىنباسارى مەن باس ەسەپشٸسٸنە قاتىستى قىلمىستىق ٸس قارالدى. ولار الاياقتىق ەرەكەتتەرٸ ٷشٸن كٸنەلٸ دەپ تانىلدى, دەپ حابارلايدى Dalanews.kz.
ۆەدومستۆونىڭ باسپاسٶز قىزمەتٸ تاراتقان اقپاراتقا سٷيەنسەك, اتالعان تۇلعالار مەديتسينالىق مەكەمەنٸڭ 758 ميلليون تەڭگەدەن استام قاراجاتىن جىمقىرعان.
سونىمەن قاتار باس دەرٸگەردٸڭ ورىنباسارى قىلمىستىق جولمەن الىنعان قاراجاتتى زاڭداستىرىپ, 4,4 ميلليون تەڭگە كٶلەمٸندە تابىس تاپقان. سوت ونى بٸرنەشە قىلمىستى بٸرٸكتٸرە وتىرىپ, كٸنەلٸ دەپ تانىدى جەنە 9 جىلعا باس بوستاندىعىنان ايىرۋ جازاسىن تاعايىندادى. سونىمەن قاتار ونىڭ مٷلكٸ تەركٸلەنٸپ, 10 جىل بويى بەلگٸلٸ بٸر لاۋازىمداردى اتقارۋ قۇقىعىنان ايىرىلدى.
اۋرۋحانانىڭ باس ەسەپشٸسٸنٸڭ دە مٷلكٸن تەركٸلەي وتىرىپ, 6 جىلعا باس بوستاندىعىنان ايىرۋ جازاسى كەسٸلدٸ. ول دا 10 جىل بويى مەملەكەتتٸك قىزمەتتە جۇمىس ٸستەۋ قۇقىعىنان ايىرىلدى.
ايتا كەتەيٸك, بۇعان دەيٸن دە مەديتسينا سالاسىنداعى جەمقورلىق دەرەكتەرٸ جيٸ تٸركەلگەن بولاتىن.
ٶتكەن جىلدىڭ تامىز ايىندا اتىراۋ قالاسىنداعى №4 قالالىق ەمحانانىڭ باسشىلىعىنا جەنە كەسٸپكەرگە قاتىستى سوت ٷكٸمٸ شىقتى. ولار قىزمەت كٶرسەتۋ بويىنشا جالعان كەلٸسٸمشارتتار ارقىلى 231,8 ميلليون تەڭگە جىمقىردى دەپ ايىپتالعان.
الماتىدا دا قالالىق ەمحانالاردىڭ بۋحگالتەرلەرٸ 341 ميلليون تەڭگەدەن استام بيۋدجەت قاراجاتىن جىمقىرعانى ٷشٸن سوتتالعان.
بۇدان بٶلەك, شٸلدە ايىندا رەسپۋبليكالىق دەرماتولوگييا عىلىمي ورتالىعىنىڭ باسشىسى مەن ورىنباسارى 5 ميلليون تەڭگە كٶلەمٸندە پارا الدى دەگەن كٷدٸككە ٸلٸنگەن. بۇل سوما مەديتسينالىق قىزمەتكەرلەردٸڭ بٸلٸكتٸلٸگٸن ارتتىرۋ قىزمەتتەرٸنە كەلٸسٸمشارت جاساسۋ ٷشٸن بەرٸلگەن دەلٸنگەن.
سول كەزدەرٸ ەلوردالىق مەديتسينالىق ورتالىق دەرٸگەرٸ ماكيشەۆا 500 مىڭ تەڭگە كٶلەمٸندە پارا العانى ٷشٸن سوتتالعان. بۇل سومانى ول بٸر پاتسيەنتتەن جوسپارلى حيرۋرگييالىق وپەراتسييا جاساۋ ٷشٸن العان.
بيىل قاڭتار ايىندا جامبىل وبلىستىق ونكولوگييا جەنە حيرۋرگييا ورتالىعىنىڭ ديرەكتورى ايباز اليحانوۆتىڭ پارا العانى تۋرالى اقپارات ەلەۋمەتتٸك جەلٸدە تارادى. بەلگٸلٸ بولعانداي, 2023 جىلى ول تاراز تۇرعىنىن مەدبيكە قىزمەتٸنە ورنالاستىرعانى ٷشٸن 400 مىڭ تەڭگە العان دەگەن كٷدٸككە ٸلٸنگەن.
