تٷركييادا قازاقستان ازاماتى اريف يسمايلوۆتىڭ ٶلٸمٸنە قاتىسى بار دەگەن كٷدٸكتٸلەر ۇستالدى. تەرگەۋ دەرەگٸنشە, كەسٸپكەردٸ اتۋعا اقش تٷرمەسٸندە جازاسىن ٶتەپ جاتقان قىلمىس ەلەمٸنٸڭ ٶكٸلٸ تاپسىرىس بەرگەن بولۋى مٷمكٸن, دەپ حابارلايدى dalanews.kz.
كتك تەلەارناسىنىڭ حابارلاۋىنشا, كٷدٸكتٸلەر قازاقستان, تٷركييا جەنە گرۋزييانىڭ قۇقىق قورعاۋ ورگاندارى بٸرلەسٸپ جٷرگٸزگەن ارنايى وپەراتسييا بارىسىندا قولعا تٷسكەن.
تەرگەۋ مەلٸمەتٸ بويىنشا, ۇستالعاندار تاپسىرىسپەن ادام ٶلتٸرۋ, كەسٸپكەرلەرگە قىسىم كٶرسەتۋ جەنە بوپسالاۋمەن اينالىسقان ۇيىمداسقان قىلمىستىق توپتىڭ مٷشەلەرٸ بولۋى مٷمكٸن. بۇعان دەيٸن حالىقارالىق ٸزدەۋدە جٷرگەن ازاماتتاردىڭ باسقا دا قىلمىستارعا قاتىسى تەكسەرٸلٸپ جاتىر.
ارنايى وپەراتسييا كەزٸندە كٷدٸكتٸلەردەن تاپانشا تەركٸلەنگەن.
ەسكە سالايىق, 35 جاستاعى الماتىلىق كەسٸپكەر اريف يسمايلوۆ 2026 جىلدىڭ ناۋرىز ايىندا ىستامبۇلدا قارۋلى شابۋىلعا ۇشىراعان. بەلگٸسٸز ادام ونىڭ باسىنان وق اتقان. اۋىر جارالانعان قازاقستان ازاماتى اۋرۋحاناعا جەتكٸزٸلگەنٸمەن, كەيٸن كٶز جۇمدى.
ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ ٶكٸلٸ قۋاندىق الپىستىڭ ايتۋىنشا, قىلمىستىق قۇرىلىمنىڭ بٸرقاتار مٷشەسٸ الماتىدا دا ۇستالعان.
"ولارعا قارۋ قولدانۋ ارقىلى جاسالعان بٸرنەشە شابۋىلعا قاتىسى بار دەگەن ايىپ تاعىلىپ وتىر. قازٸرگٸ ۋاقىتتا انىقتالعان قىلمىستىق فاكتٸلەر بويىنشا دەلەلدەر جيناۋ جالعاسۋدا. قىلمىسقا قاتىسى بولۋى مٷمكٸن باسقا دا كٷدٸكتٸلەر انىقتالىپ جاتىر", – دەدٸ ول.
قۇقىق قورعاۋ ورگاندارى توپتىڭ ۇيىمداستىرۋشىسى رەتٸندە قاراستىرىلىپ وتىرعان ادامدى قىلمىستىق جاۋاپكەرشٸلٸككە تارتۋ باعىتىندا جۇمىس جٷرگٸزٸپ جاتىر.
تەرگەۋ جالعاسۋدا. كٷدٸكتٸلەردٸڭ كٸنەسٸ سوتتىڭ زاڭدى كٷشٸنە ەنگەن ٷكٸمٸمەن عانا انىقتالادى.
