2020 جىلى ءىز-تۇزسىز جوعالىپ كەتكەن استانالىق جىگىتتىڭ تۋىستارى ونى تابۋعا كومەكتەسەتىن كەز كەلگەن ادامعا 3 ميلليون تەڭگە سىياقى تولەۋگە دايىن ەكەنىن مالىمدەدى، دەپ حابارلايدى Dalanews.kz.
1996 جىلى تۋعان ارمين نازار راج ۇلى 2020 جىلدىڭ 6 قازانىندا ۇيىنەن شىققاننان كەيىن قايتىپ ورالماعان. ول شامامەن ساعات 16:00-دە عابدۋللين كوشەسى 6/1 مەكەنجايىنداعى باسپاناسىنان شىعىپ، بەلگىسىز باعىتقا كەتكەن.
«بويى 186 سم، شاشى قارا، كوزى قوڭىر، وڭ كوزىنىڭ استىندا مەڭى بار، دەنە ءبىتىمى ارىق. ۇستىندە سارى جەيدە، سۇر شالبار جانە سۇر ءتۇستى شۇلىق بولعان. ۇيدەن اياق كيىمسىز شىققان»، - دەپ حابارلادى «Qanat» ەرىكتىلەر ۇيىمى.
ەرىكتىلەردىڭ ايتۋىنشا، جىگىت باعىتتى اجىراتا الماي شاتاسىپ، جولدان اداسۋى مۇمكىن.
