ق ر ءبىلىم جانە عىلىم مينيسترلىگى «تۇلعاتانۋ» قوعامدىق جوباسى ۇيىمداستىرىپ وتىرعان شارادا مەسەناتتىڭ ءومىرى جانە قىزمەتى جانە جەتىستىككە جەتۋ جولدارى تۋرالى «ءومىر وزەن» دەرەكتى ءفيلمىنىڭ تۇساۋى كەسىلدى. سونداي-اق، فيلانتروپ، «قۇرمەت» وردەنىنىڭ يەگەرى ورالبەك بوتباي وقۋ ورنىنىڭ ۇزدىك ستۋدەنتتەرىنە شاكىراقى تاعايىنداپ، جاستاردىڭ ءبىلىم الۋعا دەگەن قۇلشىنىسىن ارتتىردى. وسى شارا اياسىندا شاكىرتاقىعا يە بولعان ۇزدىك ستۋدەنتتەردى ماراپاتتاۋ ءراسىمى ءوتتى.
ايماقتىق مەنەدجمەنت اكادەمياسىنىڭ پروفەسسورى، «تۇران» كوللەدجى قامقورشىلار كەڭەسىنىڭ مۇشەسى، ءبىلىم سالاسىن دامىتۋ جونىندەگى ساراپشىسى، «قۇرمەت» وردەنىنىڭ يەگەرى ورالبەك بوتبايدىڭ مۇنداي جۇرتشىلىققا جاناشىرلىق تانىتىپ وتىرعان شارالارى ەلىمىزدە ءبىرىنشى رەت ۇيىمداستىرىلىپ وتىرعان جوق. ول بۇعان دەيىن دە تالاي ەلىمىزدىڭ مادەنيەت جانە ءبىلىم سالاسىن دامىتۋعا ايتارلىقتاي ۇلەسىن قوسىپ كەلەدى.
بۇقارالىق اقپارات قۇرالدارىندا ونىڭ تاۋەلسىز قازاقستاننىڭ گۋمانيتارلىق عىلىمدار سالاسىنا قولداۋ تانىتىپ، بيزنەس پەن اكىمشىلىك باسقارۋ سالاسىنداعى جەتىستىكتەرى ءجيى جازىلعان.
وسى رەتتە وعان مادەنيەت جانە ءبىلىم سالاسىن دامىتۋعا قوسقان ۇلەسى ءۇشىن جانە تاۋەلسىز قازاقستاننىڭ گۋمانيتارلىق عىلىمدار سالاسىنا قولداۋ تانىتىپ، اكىمشىلىك باسقارۋ سالاسىنداعى ەڭبەگى ەسكەرىلىپ، ايماقتىق مەنەدجمەنت اكادەمياسىنىڭ قاۋىمداستىرىلعان پروفەسسورى اتاعى بەرىلىپ، «پروفەسسور» توسبەلگىسى تابىس ەتىلگەن.
ورالبەك قوجامجار ۇلىنىڭ ءومىر، ەڭبەك جولدارىن زەردەلەر بولساق، ول 1967 جىلى 27-ساۋىردە وقو، العاباس اۋدانى (قازىرگى بايدىبەك اۋدانى)، قوشقار اتا اۋىلىندا دۇنيەگە كەلگەن. 1991 جىلى ت.جۇرگەنوۆ اتىنداعى الماتى مەملەكەتتىك تەاتر جانە كوركەم سۋرەت ينستيتۋتىن بىتىرگەن. 2008 جىلى قازاق گۋمانيتارلىق زاڭ ۋنيۆەرسيتەتىن زاڭ عىلىمدارىنىڭ باكالاۆرى دارەجەسىمەن ءتامامداپ، ەڭبەك جولىن الماتىداعى فرۋنزە اۋداندىق لكجو حاتشىسى قىزمەتىنەن باستاعان. ءار جىلدارى بيزنەس سالاسى مەن مەملەكەتتىك ورگانداردا قىزمەت ەتكەن. بيزنەستى جۇرگىزۋدە باي تاجىربيەسى بار. 2011 جىلدان باستاپ، بۇگىنگى كۇنگە دەيىن استانا قالاسىنداعى «تۇران» كوللەدجى قامقورشىلار كەڭەسىنىڭ مۇشەسى، ءبىلىم سالاسىن دامىتۋ جونىندەگى ساراپشىسى. 2016 جىلدان بەرى «Source Energy»، «Source Invest Company» ج ش س باقىلاۋشىلار كەڭەسىنىڭ ءتوراعاسى قىزمەتىن اتقارىپ كەلەدى.
كورگەن مەن تۇيگەنى مول كاسىپكەر «نۇرلى نوسەر»، «كەلەشەككە جەتەلەگەن جەتى ساپار»، «نىساپ سايىن بەرەكە» اتتى ءبىرشاما كىتاپتاردىڭ اۆتورى.
تاۋەلسىز قازاقستاننىڭ دامۋىنا ەرەكشە ۇلەس قوسىپ كەلە جاتقان ورالبەك قوجامجار ۇلىنىڭ ەڭبەگى ەسكەرۋسىز قالعان جوق. 2007 جىلى بەلگىلى كاسىپكەر، مەسەنات ق ر پرەزيدەنتىنىڭ جارلىعىمەن «قۇرمەت» وردەنىنە يە بولدى. بۇل – ءوز سالاسىندا جوعارى بىلىكتى، كاسىبي شەبەرلىك تانىتقان، جەمىستى ەڭبەك ەتىپ جۇرگەن ازاماتتارعا بەرىلەتىن ماراپات. سونداي-اق ول «استانانىڭ – 10 جىلدىعى»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «قازاقستان رەسپۋبليكاسىنىڭ تاۋەلسىزدىگىنە 25 جىل» مەدالدارىمەن، ق ر پرەمەر-مينيسترىنىڭ «قۇرمەت گراموتاسىمەن» ماراپاتتالعان.
ورالبەك بوتبايدىڭ اكادەميالىق جەتىستىكتەرى، قوعامدىق بەلسەندىلىگى مەن حالىققا جاساعان كومەگى، قايىرىمدىلىق شارالارى دا اتان تۇيەگە جۇك بولارلىقتاي سالماقتى. «اۋىل جىلى» باعدارلاماسى اياسىندا ول بورلىساي، اقتاس، كەڭساي مەكتەپتەرىن قاجەتتى قۇرال-جابدىقپەن، كومپيۋتەرمەن قامتاماسىز ەتتى. «مادەني مۇرا» باعدارلاماسىنا وراي، قوشقار اتا كەسەنەسىن تۇرعىزىپ، 300 ادامعا قوجامجار اتا – پەرنەكۇل اپا مەشىتىن سالىپ بەردى. ماڭعىستاۋ، سەمەي، شىمكەنت، استانا وڭىرلەرىندە رەسپۋبليكالىق اقىندار ايتىسىن وتكىزىپ، ونى ستامبۋل (تۇركيا)، ۇرىمشىدە (جۇڭگو) جالعاستىردى. شىمكەنت قالاسىندا ا.اسقاروۆ اتىنداعى ات بايگەسىنە باس جۇلدە تەمىر تۇلپارعا دەمەۋشىلىك جاساپ، سول جىلى سارىعاش اۋدانىندا بولعان كوكتەمگى سۋ تاسقىنىنا بايدىبەك اۋدانىنىڭ اتىنان 10 ملن.تەڭگە اۋداردى. استانا قالاسىندا وتكەن ەكسپو-2017 حالىقارالىق كورمەسىنە وقو، بايدىبەك اۋدانىنىڭ 40 وقۋشىسىنىڭ كورمە جۇمىسىن تاماشالاۋىنا تولىقتاي قارجىلىق كومەك كورسەتتى. اتالعان اۋدان ارداگەرلەرىن استانا قالاسىنا اكەلىپ، ءتۇرلى مادەني شارالارعا دەمەۋشىلىك جاسادى.
«تۇران» كوللەدجى مەن ل.ن.گۋميليەۆ اتىنداعى ەۇۋ جانە ت.جۇرگەنوۆ اتىنداعى ونەر اكادەمياسىنىڭ 15 ستۋدەنتىنە ءوز اتىنان ستيپەنديا تاعايىنداپ، وقۋ اقىلارىن تولەپ بەردى.
بۇل كاسىپكەردىڭ ەلگە جاساعان قايىرىمدىلىق شارالارىنىڭ ءبىر پاراسى عانا. ايتپەسە، ايتا بەرسەك، ونىڭ حالىققا جاساعان كومەگى، تاۋەلسىز قازاقستاننىڭ دامۋىنا قوسقان ۇلەسى تىم كوپ. ونىڭ ءبارىن ماقالادا ايتۋ مۇمكىن ەمەس سوندىقتان وسى جەردەن توقتاعاندى ءجون سانادىق. ءبىر قۋانارلىعى، مۇنىڭ بارلىعىن كاسىپكەر جارناما ءۇشىن نەمەسە باسقا دا ماقسات ءۇشىن جاسامايدى. ءوزىنىڭ پارىزى دەپ تۇسىنەدى. سوندىقتان ونىڭ جاساعان يگى ىستەرى باسقا دا كاسىپكەرلەرگە ۇلگى بولسا ەكەن دەپ تىلەيمىز.
