بەلگٸلٸ بلوگەر بەيبٸت ەلٸبەكوۆ ەلەۋمەتتٸك جەلٸدە جٸگٸتتٸڭ TikTok-تاعى بايقاۋ ٷشٸن ۆيدەو تٷسٸرۋگە كٶلٸگٸن سۇراعانىن ايتتى. الايدا تٷسٸرٸلٸم كەزٸندە جٸگٸت جاراقات الىپ, قايتىس بولدى, - دەپ حابارلايدى Dalanews.kz.
بەيبٸت ەلٸبەكوۆتٸڭ سٶزٸنشە, تٷسٸرٸلٸم الماتى وبلىسى ٸلە اۋدانىنداعى "سۇڭقار" اۆتودرومىندا بولعان. بلوگەردٸڭ ٶزٸ قايعىلى وقيعاعا قاتىستى پٸكٸر بٸلدٸردٸ.
"كٶلٸگٸمدٸ قويماي سۇراپ جٷرگەن باتىرحان ەرجان دەيتٸن جٸگٸت ەستەرٸڭٸزدە مە? بەرمەي قويعان ەدٸم. Telegram-دا پٸكٸرتالاس بولدى. (...) اقىرى كٶلٸكتٸ تريۋگٸ ٷشٸن بەردٸم. ...بٸر تريۋكتٸ قايتالاعىسى كەلدٸ. قايتالاي المادى. اۋىر جاراقات الىپ, اۋرۋحاناعا تٷستٸ. ال بٷگٸن تاڭەرتەڭ, ٶكٸنٸشكە قاراي, ول دٷنيەدەن ٶتتٸ. ايتارعا سٶزٸم جوق. جاقىندارى مەن تۋىستارىنا كٶڭٸل ايتامىن. وعان كٶلٸكتٸ بەرمەي-اق قويۋىم كەرەك پە ەدٸ?" - دەدٸ ەلٸبەكوۆ.
بٸرنەشە كٷن بۇرىن بەيبٸت ەلٸبەكوۆ ٶزٸنٸڭ Telegram-داعى وقىرماندارى اراسىندا "بۇل جٸگٸتكە تٷسٸرٸلٸم ٷشٸن كٶلٸكتٸ بەرەيٸن بە?" دەپ ساۋالناما دا جٷرگٸزگەن.
الماتى وبلىسىنىڭ پوليتسييا دەپارتامەنتٸ ٶكٸلدەرٸ قايعىلى وقيعاعا پٸكٸر بٸلدٸردٸ.
"29 قازاندا اۆتودروم اۋماعىندا 22 جاستاعى جٸگٸت ۆيدەو تٷسٸرٸلٸمٸ كەزٸندە تريۋك جاسايمىن دەپ, ابايسىزدا 45 جاستاعى جٷرگٸزۋشٸ ايداعان كٶلٸكتٸڭ استىنا تٷستٸ. سالدارىنان زارداپ شەككەن ادام اۋداندىق اۋرۋحاناعا جاتقىزىلدى, ول 30 قازاندا ەسٸن جيماستان قايتىس بولدى", - دەپ جازىلعان حابارلامادا.
وبلىستىق پوليتسييا دەپارتامەنتٸ اۆتودرومداعى وقيعاعا قاتىستى قىلمىستىق ٸس قوزعالىپ, تەرگەۋ جٷرٸپ جاتقانىن مەلٸمدەدٸ.
