تانىمال ەنشٸ ٷيٸن جٶندەتٸپ الىپ, قۇرىلىسشىلاردى قۇرقول ايداپ شىققان
تانىمال م. دەگەن ەنشٸنٸڭ ٷيٸنە كٷردەلٸ جٶندەۋ جاساتىپ الىپ, قۇرىلىسشىلاردى قۇرقول ايداپ شىققانى, ەلەم چەمپيونى س. دەگەن سپورتشى سىلاقشى كەلٸنشەكتەردٸڭ اقىسىن تٶلەمەي قويىپتى. ٶزٸن ەلگە تۇتقا سانايتىن بٸر دٶكەي جاس كٶمەكشٸسٸن ەكٸ جىل بويى ەمەكسٸتٸپ جانىندا ۇستاپ, اقىرى سيىرقۇيىمشاقتاتىپ اقىسىن بەرمەي قۋىپ جٸبەرگەن. ن. دەگەن كەسٸپكەر جٸگٸتتٸڭ ەكٸ قاباتتى ٷيٸن سالدىرتىپ الىپ قۇرىلىسشىلارعا اقشاسىن بەرمەي زار قاقتىرعانى سيياقتى جاعداياتتار ەل ٸشٸندە كٶپ.
ەلگٸندەي وزبىرلىققا كٶبٸنە داياشىلار, باقتاشىلار, كٷزەتشٸلەر, قۇرىلىسشىلار, قارا جۇمىسشىلار ۇشىراپ جاتادى. بۇل ٶزٸ كەڭٸنەن تاراپ بارا جاتقان تەرٸس قۇبىلىسقا ۇقسايدى.
HeadHunter زەرتتەۋ ورتالىعى ٶتكەن جىلى 2 مىڭداي ادامنىڭ اراسىندا ونلاين جٷرگٸزگەن پٸكٸرتەرٸم نەتيجەسٸنە قاراعاندا سۇراۋ سالىنعانداردىڭ 84 پايىزى جۇمىس ٸزدەگەن نەمەسە جۇمىسقا تۇرعان كەزدەرٸندە الداۋ ەرەكەتتەرٸنە تاپ بولعاندارىن ايتقان.
ادام بالاسى دٸنٸنە, ۇلتىنا, نەسٸلٸنە قاراماستان اللا الدىندا دا, زاڭ الدىندا دا بەرٸ بٸردەي. اسىل دٸنٸمٸزدە «بٸرەۋدٸڭ ەڭبەگٸنٸڭ اقىسىن جەيدەسٸنٸڭ تەرٸ كەپكەنشە بەر» دەيتٸن قاعيدا دا بار. اللا تاعالا ٶز اقىسىن كەشٸرگەنٸمەن قۇلدارىنىڭ اراسىنداعى اقىنى ولاردىڭ ٶزدەرٸنە قالدىرعان. الداۋعا ۇشىراماۋ ٷشٸن جۇمىسقا تۇرار الدىندا كەلٸسٸم-شارت جاسالۋىن تالاپ ەتكەن دە تيٸمدٸ. بٸلۋگە تيٸستٸ نەرسە سول – بٸرەۋدٸڭ اقىسىن جەگەندٸ اقىسى جەلٸنگەن ادام كەشٸرمەي اللا كەشٸرمەيدٸ.
قاراپ وتىرساڭىز, بٸرەۋدٸڭ اقىسىن جەگەن وزبىر ەرتە مە, كەش پە ٶزٸ سونىسىنىڭ زاردابىن تارتقانىن كٶرەسٸڭ. ايتالىق, تٸلگە تيەك بولعان ەلگٸ ەنشٸ ەكٸ قابات ٷيٸن بانككە كەپٸلگە قويىپ اقشا الىپ, اقىرى سول ٷيٸنەن ايىرىلىپ قالدى.
ال ن. دەگەن كەسٸپكەر ٷيٸن كازينودا ۇتقىزدى. اۋزىمەن قۇس تٸستەگەن دٶكەي ينسۋلتكە ۇشىراپ ارباعا تاڭىلدى. چەمپيون ٸستٸ بولىپ, تەمٸر تورعا توعىتىلدى. «بۇل دٷنيەنٸكٸ و دٷنيەگە كەتپەيدٸ» دەگەن وسى!
سوندىقتان كٸسٸ اقىسىن جەپ قارعىسقا قالمايىق, اعايىن!
مارات بەيدٸلداۇلىنىڭ (توقاشباەۆ) فەيسبۋكتاعى جازباسىنان
