تانىمال ەنشٸ دەپۋتات بولدى
سوڭعى ۋاقىتتارى ٶنەر مەن سپورتتىڭ اينالاسىندا جٷرگەن ازاماتتار مەجٸلٸس پەن جەرگٸلٸكتٸ مەسليحاتتارعا دەپۋتات بولىپ سايلانۋدا. دەپۋتاتتىق مانداتقا يە بولعان ەنشٸلەر مەن سپورتشىلار قاندايدا بٸر مەسەلەنٸ شەشٸپ, جۇرتتىڭ ىقىلاسىنا بٶلەندٸ دەپ ايتا المايسىڭ.
تاياۋدا بەلگٸلٸ ەنشٸ سايات مەدەۋوۆ الماتى وبلىسى قاراساي اۋداندىق مەسليحاتىنىڭ دەپۋتاتى بولىپ سايلانعانىن ەستٸدٸك.
بۇل جايىنداعى العاشقى حاباردى جەلٸ قولدانۋشىسى, قوعامدىق بەلسەندٸ ايدار قىرىقباي «اتامنىڭ باسى-اي» توبىندا بٶلٸستٸ. ول ٶزٸنٸڭ جازباسىندا «سٷيٸنشٸ! قازاق حالقىنىڭ دەستٷرلٸ ٶنەرٸن ناسيحاتتاپ جٷرگەن ەنشٸ مەدەۋوۆ سايات قابىلۇلى الماتى وبلىسى, قاراساي اۋدانىنىڭ №14 وكرۋگٸ بويىنشا مەسليحات دەپۋتاتى بولىپ سايلانۋىمەن قۇتتايمىن!», – دەپ حابارلاپ, ەنشٸنٸ جاڭا مانسابىمەن قۇتتىقتادى.
