Sońǵy ýaqyttary óner men sporttyń aınalasynda júrgen azamattar Májilis pen jergilikti máslıhattarǵa depýtat bolyp saılanýda. Depýtattyq mandatqa ıe bolǵan ánshiler men sportshylar qandaıda bir máseleni sheship, jurttyń yqylasyna bólendi dep aıta almaısyń.

Taıaýda belgili ánshi Saıat Medeýov Almaty oblysy Qarasaı aýdandyq Máslıhatynyń depýtaty bolyp saılanǵanyn estidik.

Bul jaıyndaǵy alǵashqy habardy jeli qoldanýshysy, qoǵamdyq belsendi Aıdar Qyryqbaı «Atamnyń basy-aı» tobynda bólisti. Ol óziniń jazbasynda «Súıinshi! Qazaq halqynyń dástúrli ónerin nasıhattap júrgen ánshi Medeýov Saıat Qabyluly Almaty oblysy, Qarasaı aýdanynyń №14 okrýgi boıynsha Máslıhat depýtaty bolyp saılanýymen quttaımyn!», – dep habarlap, ánshini jańa mansabymen quttyqtady.