قازاقستاندا 2026 جىلعى تامىزدا تۇرعىن ٷيدٸ ساتىپ الۋ-ساتۋ بويىنشا 35 807 مەمٸلە تٸركەلٸپ, بۇل كٶرسەتكٸش شٸلدەمەن سالىستىرعاندا 3,6%-عا تٶمەندەدٸ, دەپ حابارلايدى dalanews.kz.
شٸلدەدە ەل بويىنشا 37 158 تۇرعىن ٷي مەمٸلەسٸ جاسالعان بولاتىن.
مەمٸلەلەر سانى بويىنشا الماتى قالاسى كٶش باستاپ تۇر – 7 690 مەمٸلە نەمەسە جالپى كٶرسەتكٸشتٸڭ 21,5%-ى. ەكٸنشٸ ورىندا استانا – 6 398 مەمٸلە (17,9%), ال ٷشٸنشٸ ورىندا قاراعاندى وبلىسى – 2 825 مەمٸلە (7,9%). ەڭ از كٶرسەتكٸش ۇلىتاۋ وبلىسىندا تٸركەلدٸ – 277 مەمٸلە, ياعني جالپى كٶلەمنٸڭ 0,8%-ى.
شٸلدەمەن سالىستىرعاندا تۇرعىن ٷي مەمٸلەلەرٸنٸڭ ەڭ جوعارى ٶسٸمٸ الماتى قالاسىندا بايقالدى – 5,9%. سونداي-اق قوستاناي وبلىسىندا مەمٸلەلەر سانى 5,5%-عا, قاراعاندى وبلىسىندا 5,1%-عا ارتتى.
ال ەڭ ٷلكەن تٶمەندەۋ الماتى وبلىسىندا تٸركەلدٸ – 21,1%. اتىراۋ وبلىسىندا مەمٸلەلەر سانى 15,7%-عا, جامبىل وبلىسىندا 13,7%-عا ازايدى.
كٶپپەتەرلٸ ٷيلەردەگٸ تۇرعىن ٷي بويىنشا تامىز ايىندا 27 719 مەمٸلە جاسالدى. بۇل شٸلدەمەن سالىستىرعاندا 3%-عا نەمەسە 856 مەمٸلەگە از.
پەتەرلەر بويىنشا جاسالعان مەمٸلەلەر تۇرعىن ٷي نارىعىنداعى بارلىق مەمٸلەنٸڭ 77,4%-ىن قۇرادى. كٶپپەتەرلٸ ٷيلەردەگٸ تۇرعىن ٷي ساۋداسىنىڭ نەگٸزگٸ ٷلەسٸ الماتى مەن استانا قالالارىنا, سونداي-اق قاراعاندى وبلىسىنا تيەسٸلٸ.
اتاپ ايتقاندا, الماتىنىڭ ٷلەسٸ 26%, استانانىڭ ٷلەسٸ 22,6%, قاراعاندى وبلىسىنىڭ ٷلەسٸ 8,4% بولدى.
بٶلمەلەر سانى بويىنشا ەڭ كٶپ ساتىلعانى – بٸر بٶلمەلٸ پەتەرلەر. تامىزدا مۇنداي پەتەرلەر بويىنشا 10 806 مەمٸلە تٸركەلدٸ.
جەكە تۇرعىن ٷيلەر بويىنشا دا مەمٸلەلەر سانى ازايدى. تامىزدا بۇل سەگمەنتتە 8 088 مەمٸلە جاسالىپ, شٸلدەمەن سالىستىرعاندا كٶرسەتكٸش 5,8%-عا نەمەسە 495 مەمٸلەگە تٶمەندەدٸ.
جەكە تۇرعىن ٷيلەر بويىنشا مەمٸلەلەر سانىنىڭ ەڭ جوعارى ٶسٸمٸ قىزىلوردا وبلىسىندا تٸركەلدٸ – 7,8%. قاراعاندى وبلىسىندا ٶسٸم 6,3%, جەتٸسۋ وبلىسىندا 2,7% بولدى.
ال ەڭ ٷلكەن تٶمەندەۋ شىعىس قازاقستان وبلىسىندا بايقالدى – 15%. الماتى قالاسىندا جەكە تۇرعىن ٷي مەمٸلەلەرٸ 14,6%-عا, اقتٶبە وبلىسىندا 12,3%-عا ازايدى.
جالپى, 2026 جىلعى تامىزداعى تۇرعىن ٷيدٸ ساتىپ الۋ-ساتۋ مەمٸلەلەرٸنٸڭ سانى ٶتكەن جىلدىڭ سەيكەس ايىمەن سالىستىرعاندا 13,5%-عا تٶمەندەدٸ. 2025 جىلعى تامىزدا 41 380 مەمٸلە تٸركەلسە, بيىل بۇل كٶرسەتكٸش 35 807-گە دەيٸن تٷستٸ.
ٶتكەن جىلدىڭ تامىزىمەن سالىستىرعاندا مەمٸلەلەر سانى ەڭ كٶپ ٶسكەن ٶڭٸر – تٷركٸستان وبلىسى. وندا ٶسٸم 9,8% بولدى. ال ەڭ جوعارى تٶمەندەۋ استانا قالاسىندا تٸركەلدٸ – 32,3%.
2026 جىلدىڭ قاڭتار-تامىز ايلارىنداعى تۇرعىن ٷي مەمٸلەلەرٸنٸڭ جالپى سانىن 2025 جىلدىڭ وسى كەزەڭٸمەن سالىستىرعاندا 4,3%-عا تٶمەندەۋ بايقالادى.
