جۇرت نۇرجان ساحناعا شىقسا قول سوعادى. ونى جاقسى كٶرەدٸ. جاقسى كٶرەتٸندٸكتەن سٶيتەدٸ. ول تۋما تالانت. بٸراق, ايتايىق دەگەنٸمٸز بۇل ەمەس...
قازٸرگٸ شوۋ-بيزنەستٸ ٶنەر دەپ ايتۋعا اۋزىڭ بارمايدى. اعا بۋىن «ٶنەر قۇرباندىقتى قاجەت ەتەدٸ» دەپ جيٸ ايتادى عوي (جيٸ ايتقان سوڭ بۇل سٶزدٸڭ مەنٸ كەتٸپ قالعانداي ما?..). شىندىعىندا بۇل سٶزدٸڭ تٷبٸندە اقيقات جاتىر.
كەز كەلگەن تالانت يەسٸ ٶنەردٸڭ بيٸك شىڭىنا شىققاندا الدىنان تارام-تارام جول شىعاتىنى اقيقات. سونىڭ بٸرەۋٸن تاڭدايدى. بٷگٸندە ەرتٸستەردٸڭ – تامادا, ساياساتكەر, مولدا-قوجا بولىپ كەتكەنٸن كٶرٸپ جٷرمٸز. ايتپاقشى, كەيبٸر ساياساتكەرلەر ٶنەردٸ حالىققا تانىلۋدىڭ تٶتە جولى دەپ تٷسٸنٸپ, ەن ايتىپ, حابار جٷرگٸزٸپ كەتتٸ ەمەس پە? ەندٸ ولاردىڭ جاساعان دٷنيەسٸن ٶنەر دەپ قابىلداۋ قيىن.
بٸز تۇتاس ٶنەر جايىندا ەڭگٸمە ايتۋدان اۋلاقپىز. تەك قازاقستانداعى ساتيرالىق تەاترلار مەن ساحنا تارلانبوزى نۇرجان تٶلەنديەۆ جايىنداعى ويىمىزدى ورتاعا سالعاندى جٶن ساناپ وتىرمىز. سوڭعى ۋاقىتتارى شوۋ-بيزنەستە ساتيرالىق تەاترلار قاپتاپ كەتتٸ. تاياق لاقتىرساڭ, سولارعا بارىپ تيەدٸ. ولاردىڭ بەرٸ بٸردەي جۇرتتىڭ كٶزايىمىنا اينالىپ كەتپەگەنٸ انىق. قازٸر ساتيرا – پريكول, ساتيريك – اۋزىنا كەلگەنٸن ايتاتىن سايقىمازاققا اينالعان زامان بولدى.
تەك «شانشار» مەن «الداراسپان» عانا قازاقى ەزٸلدٸڭ ەڭسەسٸن تٸك ۇستاپ جٷر. 
ال «الداراسپاننىڭ» نەگٸزٸن قالاعان ٶنەر يەسٸنٸڭ ايرىقشا اتاپ ٶتەتٸن قاسيەتٸ – ول ەزٸل-سىقاق سكەچتەرٸنە تۇتاس جانر, كەسەك دٷنيە رەتٸندە قارايدى. كٶشە پريكولدارىن ولپى-سولپى, قارابايىر كٷيٸندە الىپ شىققانىن كٶرگەن ەمەسپٸز. يە, نۇرجان ٶزٸنە قاجەتتٸ ماتەريالدى حالىقتىڭ ورتاسىنان, ياعني شىنايى ٶمٸردەن الادى.
كەيٸپكەرلەرٸن كٶپ ٸشٸنەن ٸزدەيدٸ. ونىڭ كەيٸپكەرلەرٸن كەڭ بايتاق ەلٸمٸزدٸڭ كەز كەلگەن قالاسى مەن اۋىلىنان كەزدەستٸرۋگە بولادى. «الداراسپاننىڭ» ەر قويىلىمىن تاماشالعاندا ٶزٸمٸزدٸ, قاسىمىزدا جٷرگەن ەپەندٸلەردٸ تانىپ, مەز بولىپ جاتاتىنىمىز, سوندىقتان.
ول كۆن-شيكتەر سيياقتى شيكٸ دٷنيەنٸ ساحنا تٶرٸنە سٷيرەپ شىققان ەمەس. ۇستازى رايىمبەك سەيتمەتوۆتىڭ ٷيرەتكەن ماشىعىنا سالىپ, ٶڭدەپ, ەكشەپ, جاساندىرىپ, قۇلپىرتىپ ساحناعا الىپ شىعادى. ول ٶمٸردٸڭ ٶزٸنەن العان تاقىرىپتارىن قانشا جەردەن ٶڭدەسە دە شىنايىلىعىن ساقتايتىنىمەن ەرەكشەلەنەدٸ. بۇدان نۇرجاننىڭ اكتەرلٸك كٶرەگەندٸلٸگٸ مەن شەبەرلٸگٸن بايقايمىز. وسى تۇرعىدان العاندا «الداراسپان» تەاترى ٶزگە شىعارماشىلىق ۇجىمداردان وق بويى وزىق تۇر.
«تاماشا», «تەرٸسقاقپاي» سىندى تەاترلاردى جۇرت نەلٸكتەن قارامايدى? ٶيتكەنٸ ونداعى اكتەرلەر بەرٸن ويدان شىعارادى. ولاردىڭ قويعان ەزٸل-قالجىڭدارى كەڭەس زامانىنداعى قالىپ كەتكەن ەسكٸ كٶرٸنٸستەردٸ ەسكە تٷسٸرەدٸ. بٷگٸنگٸ كٷننٸڭ اۋراسى, قىم-قۋىت تٸرلٸگٸ مٷلدە بايقالمايدى.
«ەپيتٶكتٸڭ بايىنىڭ» ەڭگٸمەسٸ مەن ق.دەمەسٸننٸڭ شاڭقىلداعان داۋسى شىققاندا تەلەارنانى باسقا ارناعا بۇرىپ جٸبەرەسٸڭ. بٸزدٸڭ بۇل سٶزٸمٸزگە «تاماشا» مەن «تەرٸسقاقپايدىڭ» ەرتٸستەرٸ رەنجي قويماس. زامان كٶشٸنەن ٸلەسە الماعان بۇل بۋىن پويىزدىڭ سوڭعى ۆاگونىندا قاشانعا دەيٸن وتىراتىنى ەزٸرشە بٸر قۇدايعا عانا ايان.
ەڭگٸمەمٸزدٸ ارى قاراي جالعاساق.
قازٸردە ەنشٸ-اكتەردٸڭ ەكٸنشٸ ماماندىعى – تامادا بولىپ تۇر. كٶپتەگەن ٶنەر يەلەرٸ (اراسىندا اقىندار دا بار) تالانتىن تامادالىققا پۇلداپ جٷر. توي جاعالاپ, جەل سوققان قاڭباقتاي جٷيتكٸپ جٷرگەن ادام – ٶزٸن قالاي جەتٸلدٸرٸپ, ٶنەرٸن قالاي ۇشتايدى? ٶنەرٸن ٶركەندەتۋگە ەشقاشان ۋاقىت تابا المايدى. ەنشٸلەرگە توي جاعالاپ, ەن سالعان جاراساتىن شىعار? ال اكتەرلەرگە بۇل مٷلدە جاراسپاسى انىق. اكتەر ينتەللەكتۋالدىق كٷش-جٸگەردٸ قاجەتسٸنەتٸن ماماندىق. كەز كەلگەن اكتەر ٶزٸن شىڭداپ, بٸلٸمٸن جەتٸلدٸرۋٸ كەرەك. ولار ساحنادا كٶرەرمەندەرگە نۇر شاشىپ تۇرۋى تيٸس.
ال بٸزدٸڭ اكتەرلەردٸ بٷگٸن ٷلكەن ساحنادان كٶرسەڭ, ەرتەسٸ تويدان بولمايتىن انەكدوت ايتىپ تۇرعانىن كٶرٸپ, ٶنەرگە دەگەن قۇرمەتٸڭ كەميدٸ. 
ول قۇداي بەرگەن ٶنەرٸن ساقتاپ قالعىسى كەلسە, تامادالىقتى تاستاپ, ٶنەرٸن دامىتۋعا كٷش سالۋى كەرەك-اق. بٸز بۇل «اقىلىمىزدى» كەز كەلگەن ەرتٸسكە قاراتىپ ايتۋعا بولار ەدٸ.
بٸراق ولاردىڭ بەرٸ نۇرجانداي كٶپشٸلٸكتٸڭ ىقىلاسىنا بٶلەنگەن ەمەس. حالىق نۇرجاننىڭ اسابالىعىن ەمەس, اكتەرلٸك شەبەرلٸگٸن جىر قىلىپ ەڭگٸمەلەيدٸ. ەڭگٸمە باسىندا «ٶنەر قۇرباندىقتى قاجەت ەتەدٸ» دەگەن ٷلكەندەردٸڭ سٶزٸن بەكەر ايتقان جوقپىز. دەل قازٸر نۇرجان تٶلەنديەۆ ٶنەرٸ ٷشٸن اسابالىعىن قۇرباندىققا شالۋى تيٸس.
بٷگٸندە ەنشٸ-ەرتٸستٸڭ ەڭگٸمەسٸنە قۇلاق اسساڭ, ٶنەر ادامدارى ٷشٸن جانباعىستىڭ جالعىز جولى اسابالىق پا دەپ قالاسىڭ. بەرٸ كونتسەرتتەرٸنەن ەشقانداي تابىس تاپپايتىنىن ايتىپ, مۇڭ شاققاندا ەتەكتەرٸ جاسقا تولادى. ٶز باسىمىز اسابالىق قازاق ٶنەرٸنٸڭ تٶردەگٸ باسىن ەسٸككە سٷيرەگەن كەسٸپ بولدى دەپ ەسەپتەيمٸز. سوندىقتان شوۋ-بيزنەستە جٷرگەن ەنشٸ-ەرتٸستەر ٷشٸن اسابالىق نان تابۋدىڭ جالعىز جولى دەسەك, قاتتى قاتەلەسكەن بولار ەدٸك.
بٸزدٸڭ سٶزٸمٸزگە بايان ەسەنتاۆانىڭ شوۋ-بيزنەستەگٸ تابىستى جۇمىسى ايقىن دەلەل بولادى.
ەگەر ٶنەر ادامدارى بايانداي ەڭبەك ەتەتٸن بولسا, قازاقستان رەسەيدٸڭ ەنشٸ-ەرتٸستەرٸنٸڭ ماي شەلپەگٸنە اينالماس ەدٸ. وسى جايتتاردى ساراپتاعاندا بٸزدٸڭ وتاندىق شوۋ-بيزنەس نارىقتا بەسەكەگە قابٸلەتسٸز ەكەنٸ بايقالىپ قالادى.
تامادالىق تالانتتىڭ جاۋى, تۋكا!
