تالعاردا كٸسٸ قولىنان قازا تاپقان 16 جاستاعى شەرزاتتىڭ اتا-اناسى تالعار اۋدانى ەكٸمدٸگٸنٸڭ الدىنداعى جولدى جاۋىپ تاستادى, دەپ حابارلايدى Dalanews.kz.
ولار قىلمىسقا قاتىسقانداردىڭ بارلىعىن ۇستاپ, جازالاۋدى تالاپ ەتٸپ وتىر.
ەلەمجەلٸدە تاراعان اقپاراتقا سٷيەنسەك, مارقۇم جٸگٸتتٸڭ ەكەسٸ مەن اناسى, باسقا دا جاقىندارى ەكٸمدٸك الدىنداعى جولدى جاۋىپ تاستاعان.
“تالعاردا شۋ شىعىپ جاتىر. 16 جاستاعى جٸگٸتتٸ باقيلىق قىلعان كٷدٸكتٸلەردٸ ۇستاعان. الايدا بەرٸ بوساتىلىپ, بٸرەۋٸ عانا قىلمىستى ٶز موينىنا الىپ وتىر. ال مارقۇمنىڭ اتا-اناسى بارلىعى بٸردەي زاڭ الدىندا جاۋاپ بەرسٸن دەپ دابىل قاعۋدا. قۇداي ساقتاسىن, امان بولايىق!”, - دەيدٸ ەلەۋمەتتٸك جەلٸ قولدانۋشىسى.
ەسكە سالايىق, قايعىلى وقيعا 4 قازانعا قاراعان تٷنٸ بولعان ەدٸ. سۋىق قارۋ اسىنعان بٸر توپ جٸگٸت مارقۇم جاسٶسپٸرٸمگە, ونىڭ اعاسى مەن ەكەسٸنە شابۋىل جاساعان.
شەرزاتتىڭ ەكەسٸ جالعا دٷكەن الىپ, ساۋدا جاساۋمەن اينالىساتىن. ارتى ٶلٸممەن اياقتالعان تٶبەلەس وسى دٷكەننەن باستالعان.
بٸر جٸگٸت دٷكەنگە كەلٸپ, بٸر قۇتى سىرا الىپ, اقشاسىن تٶلەمەي كەتە بارعان. شەرزاتتىڭ ەكەسٸ سىرانىڭ اقشاسىن تٶلەۋدٸ تالاپ ەتكەن كەزدە جانجال تۋىنداعان.
شەرزات وسى سەتتە كليەنتتٸڭ دٷكەننەن شىعىپ كەتۋٸن سۇراعان. بٸراق سىرا العان جٸگٸت دوستارىنا قوڭىراۋ سوعىپ, دٷكەنگە ٷش كٶلٸكپەن بٸر توپ جٸگٸت كەلگەن.
بٸر توپ جٸگٸت شەرزاتتى تەپكٸلەي باستاعان. بۇل سەتتٸ تۇرعىندار ۆيدەوعا تٷسٸرٸپ العان. 10-شى سىنىپتا وقيتىن شەرزات اتا-اناسىنىڭ دٷكەنٸنە كەزدەيسوق كەلگەن. سۋىق قارۋمەن كەلگەن بۇزاقىلار ەشكٸمدٸ اياماپتى. قانسىراعان بٸر وتباسىنىڭ مٷشەلەرٸ اۋرۋحاناعا جەتكٸزٸلگەن. كٶپ ۇزاماي شەرزات جانساقتاۋ بٶلٸمٸندە كٶز جۇمعان.
وسى تۇستا مارقۇمنىڭ ەپكەسٸ باقىت رەيموۆا پوليتسەيلەر تٶبەلەسكە قاتىسۋشىلاردىڭ بەرٸن ەلٸ قاماۋعا الماعانىن ايتادى. ول قۇزىرلى ورگانداردان كٷدٸكتٸلەردٸڭ بەرٸن ۇستاپ, كٶرسەتۋٸن تالاپ ەتٸپ وتىر.
"ەگەر رەزونانس جاساماساق, بٸزدٸ ەشكٸم ەستٸمەيدٸ. ٸنٸم ەسكەري قىزمەتكەر بولعىسى كەلدٸ. قانشاما ارماندارى ٸشٸندە ٶزٸمەن بٸرگە كەتتٸ. سونداي ٶكٸنٸشتٸ جاعداي. بۇلاي بولماۋى كەرەك ەدٸ", - دەيدٸ باقىت رەيموۆا.
ونىڭ ايتۋىنشا, شەرزاتتى كٷدٸكتٸلەر ايۋاندىقپەن ٶلتٸرگەن. قانسىراپ جاتقانىندا كٷدٸكتٸلەردٸڭ بٸرەۋٸ ارتىنان كەلٸپ, اۆتوماتپەن ۇرعان ەكەن.
"مەيٸتتٸ ٶز كٶزٸممەن كٶردٸم. بالانىڭ باسى قاق ايىرىلىپ كەتكەن. 30-عا كەلگەن ەركەكتەر 16-داعى جاسٶسپٸرٸمگە جابىلعان. ەكەسٸن ساباپ, باۋىرىمدى ٷش جەردەن پىشاقتاپ كەتكەن. بٸر سىرا بەرمەگەنٸ ٷشٸن ٶلدٸ. ماسقارا عوي. ەكەسٸنە قورعان بولعانى ٷشٸن ٶلتٸرٸپ كەتتٸ. ەندٸ ولاردى نەگە شىعارىپ جٸبەرەدٸ? ەدٸلدٸك قايدا? قاي مەملەكەتتە ٶمٸر سٷرٸپ جاتىرمىز? وسىلاي بٸزدٸڭ بالالارىمىز ٶلٸپ كەتە بەرە مە? بۇل نە دەگەن سۇمدىق?", - دەيدٸ مارقۇمنىڭ ەپكەسٸ.
شەرزاتتىڭ تۋىستارى كەمٸندە 13 كٷدٸكتٸ بارىن ايتادى. الايدا پوليتسييا 7 ادامدى عانا ۇستاپتى. وقيعا ورنىندا بولعان شەرزاتتىڭ ەكەسٸ دە مەلٸمدەمە جاسادى. ول ەدٸل سوت تالاپ ەتتٸ.
