تالعار اۋدانىندا ٷيدٸ ٶرتەۋ قىلمىسى بويىنشا بارلىق ايعاقتار الىنىپ, قاجەتتٸ ساراپتامالار جٷرگٸزٸلۋدە.
ٸشكٸ ٸستەر مينيسترٸنٸڭ بٸرٸنشٸ ورىنباسارى باۋىرجان ەلەنوۆ پەن الماتى وبلىسىنىڭ پروكۋرورى بەرٸك اداموۆ تالعار اۋدانىنداعى ٷيدٸ ٶرتەۋ فاكتٸسٸ بويىنشا تەرگەۋ بارىسى تۋرالى حابارلادى جازادى Dalanews.kz Polisia.kz-كە سٸلتەپ.
ەلەنوۆتىڭ ايتۋىنشا, قىلمىس جاسالعان سەتتەن باستاپ, ياعني 4 قازاننان بەرٸ تالعار اۋدانىندا مينيستردٸڭ بٸرٸنشٸ ورىنباسارى باستاعان ٸٸم ورتالىق اپپاراتى قىزمەتكەرلەرٸنەن قۇرالعان جەدەل-تەرگەۋ توبى جۇمىس ٸستەپ جاتىر.
– جەدەل-تەرگەۋ توبى قۇرىلىپ, قىلمىس جاسالعان جەردە مۇقييات تەكسەرۋ جۇمىستارىن جٷرگٸزۋدە. بەينەباقىلاۋ كامەرالارىنان جازبالار قارالۋدا. اۋلالار مەن ەسەپتە تۇرعان تۇلعالار تەكسەرٸلۋدە. وتباسىنىڭ تۇرعىلىقتى جەرٸن پوليتسييا قىزمەتكەرلەرٸ پاترۋلدەۋدە.
وقيعا ورىن العان كەزدە ٶرت بولعان ٷيدە ەشكٸم تۇرىپ جاتقان جوق ەدٸ. جانۇيا قازٸرگٸ كەزدە باسقا مەكەنجايدا تۇرىپ جاتىر.
قىلمىسكەرلەر ۇستالىپ, مٸندەتتٸ تٷردە جاۋاپقا تارتىلادى. سونىمەن قاتار جالعان اقپارات تاراتپاۋعا شاقىرامىن, – دەدٸ ٸشكٸ ٸستەر مينيسترٸنٸڭ بٸرٸنشٸ ورىنباسارى باۋىرجان ەلەنوۆ.
الماتى وبلىسىنىڭ پروكۋرورى بەرٸك اداموۆ بارلىق تەرگەۋ ەرەكەتتەرٸ باس پروكۋراتۋرانىڭ باقىلاۋىندا ەكەنٸن اتاپ ٶتتٸ.
– تەرگەۋ بارىسى تۋرالى باس پروكۋرورعا ەسەپ بەرەمٸن. بٷگٸنگٸ تاڭدا ارنايى پروكۋرورلار ٷيدٸ ٶرتەۋ فاكتٸسٸن تەرگەپ جاتىر. وقيعا ورنىنان بارلىق ايعاقتار الىنىپ, ولار بويىنشا تيٸستٸ ساراپتامالار تاعايىندالدى. بٸز ساراپتاما نەتيجەلەرٸن كٷتۋدەمٸز, ودان كەيٸن قوسىمشا اقپارات بەرٸلەدٸ. بٷگٸنگٸ تاڭدا وسى ٸس بويىنشا كٶپتەگەن جالعان اقپارات تاراتىلۋدا. ازاماتتارعا جالعان اقپارات تاراتقانى ٷشٸن قىلمىستىق جاۋاپكەرشٸلٸك قاراستىرىلاتىنىن ەسكەرتكٸم كەلەدٸ, – دەدٸ الماتى وبلىسىنىڭ پروكۋرورى بەرٸك اداموۆ.
