تالعارداعى جانجال كەزٸندە كٶز جۇمعان شەرزات پولاتتىڭ ەكەسٸ قارجاۋباي نۇرىموۆ بالاسىنىڭ ٶلٸمٸنە قاتىسى بار دەگەن كٷدٸكتٸلەرگە قاتىستى قوسىمشا ارىز دايىنداپ جاتىر. بۇل تۋرالى جەبٸرلەنۋشٸ تاراپتىڭ جاڭادان قوسىلعان ادۆوكاتى مەيٸرمان شەكەەۆ مەلٸمدەدٸ, دەپ حابارلايدى Dalanews.kz.
– ٸس ماتەريالدارىمەن تانىسا كەلە, بٸز بۇل قىلمىستىق ٸس اياسىندا ازاماتتىق تالاپتىڭ بەرٸلمەگەنٸن انىقتادىق. قازٸر سول تالاپتى ەزٸرلەپ جاتىرمىز. بۇل ەرەكەت قارجاۋباي مىرزاعا قارجىلاي ٶتەماقى الۋ ٷشٸن ەمەس, قاماۋدا وتىرعان كٷدٸكتٸلەرگە ٷكٸم شىققان سوڭ ولاردىڭ مەرزٸمٸنەن بۇرىن بوساپ كەتۋٸنە جول بەرمەۋ ماقساتىندا جاسالىپ وتىر, – دەدٸ شەكەەۆ.
“وقيعا ورنىندا بولعان ەكٸ قىز قايدا?”
ادۆوكات قوعامدا قىزۋ تالقىلانعان بٸر سۇراققا دا جاۋاپ بەردٸ.
– حالىقتى الاڭداتىپ وتىرعان ماڭىزدى سۇراقتاردىڭ بٸرٸ – وقيعا ورنىندا بولعان ەكٸ قىزدىڭ تاعدىرى. ولار ەلەۋمەتتٸك جەلٸلەردە كٷدٸكتٸ رەتٸندە كٶرسەتٸلگەنٸمەن, ٸس ماتەريالدارىنا سەيكەس, تەك كۋەگەر رەتٸندە جاۋاپ بەردٸ, – دەدٸ قورعاۋشى.
مەيٸرمان شەكەەۆتٸڭ ايتۋىنشا, بۇل قىلمىستىق ٸس بويىنشا 9 ادام كٷدٸكتٸ رەتٸندە تانىلعان. سونىڭ ٸشٸندە بٸرەۋٸ – كەمەلەت جاسىنا تولماعان. وعان قىلمىستىق كودەكستٸڭ 434-بابى — قىلمىس تۋرالى حابارلاماۋ بويىنشا ايىپ تاعىلعان. ال جەبٸرلەنۋشٸلەر سانى – التى. ولاردىڭ ەكەۋٸ – شەرزات پەن نۇرقانات.
ەسكە سالايىق, بۇعان دەيٸن شەرزات پولاتتىڭ ٶلٸمٸنە بايلانىستى قىلمىستىق ٸس سوتقا تٷسكەنٸ حابارلانعان بولاتىن.
قازٸرگٸ تاڭدا جەبٸرلەنۋشٸ تاراپتىڭ قۇقىعىن قورعايتىن ادۆوكاتتار توبى قۇرىلعان. بۇل قۇرامدا مەيٸرمان شەكەەۆتەن بٶلەك, ەلٸم مۇستاپاەۆ, جاندوس پالمانوۆ, بەكزات نييازوۆ, باعدات اماندوسۇلى, نۇربولات يبراەۆ جەنە دينا دوساەۆا بار.
