كەزدەسۋ بارىسىندا «اقبۇلاق» شيپاجايىنىڭ باس دارىگەرى جانە ۇجىم وكىلدەرىنە 10-قاڭتاردا بولاتىن سايلاۋالدى ۇگىت-ناسيحات جۇمىستارىن جۇرگىزىپ، «Nur Otan» پارتياسىنىڭ تالعار اۋدانى بويىنشا سايلاۋالدى باعدارلاماسىمەن تانىستىردىم.
كەزدەسۋ بارىسىندا ۇمىتكەرلەر «Nur Otan» پارتياسىنىڭ سايلاۋالدى باعادارلاماسىنىڭ نەگىزگى باعىتتارى، ماقساتى مەن مىندەتتەرىنە توقتالىپ، ازاماتتاردىڭ ءال-اۋقاتىن جاقسارتىپ، تۇرمىس دەڭگەيىن كوتەرۋ ءۇشىن اۋدان، وبلىس، رەسپۋبليكا بويىنشا ناقتى اتقارىلاتىن ءىس-شارالار جايلى ءتۇسىندىردى. «Nur Otan» پارتياسى وتباسى ينستيتۋتىن نىعايتۋ، ولاردىڭ ماتەريالدىق تۇراقتىلىعىن قامتاماسىز ەتۋ، تۇرعىن ءۇي الۋعا مۇمكىندىكتەر جاساۋ بويىنشا شارالار كەشەنىن قولدانۋ قاجەت دەپ سانايدى.
سونىمەن قاتار، بەساعاش اۋىلدىق وكرۋگىنىڭ كۇرد ەتنو-مەدەني بىرلەستىگىنىڭ ءتوراعاسى حاسان ۋزۋنالييەۆ جانە بىرلەستىك مۇشەلەرىمەن كەزدەسىپ، سايلاۋالدى ۇگىت-ناسيحات جۇمىستارىمەن دە تانىستىردى.
بۇگىندە «Nur Otan» پارتياسى ەلىمىزدەگى ۇلتارالىق تاتۋلىقتى ساقتاۋ ىسىنە دە بارىنشا كوڭىل بولىپ وتىر. تالعار اۋدانىن وزگە ۇلت وكىلدەرى دە مەكەندەيتىن بولعاندىقتار ەلىمىزدەگى باس پارتيا اۋدانداعى تاتۋلىق ماسەلەسىنە باسا كوڭىل ءبولىپ، ولاردىڭ وي-پىكىرىنە قۇلاق استى. كەزدەسۋدە وكرۋگىنىڭ كۇرد ەتنو-مەدەني بىرلەستىگىنىڭ ءتوراعاسى حاسان ۋزۋنالييەۆ:
– «Nur Otan» پارتياسى ەلىمىزدەگى جەتەكشى ساياسي ۇيىم. كۇنى كەشە پاندەميا كەزىندە ەلىمىزدەگى بيلىك پارتياسى حالىقتىڭ كۇشىن بىرىكتىرىپ، ىندەتتى ەڭسەرۋگە باعىتتاي الدى. بۇل وڭاي بولعان جوق. وسى رەتتە قازاقستاندا تۇراتىن بارشا ۇلت وكىلدەرىن ءبىر ماقساتقا جۇمىلدىرعان «Nur Otan» پارتياسىنا الداعى سايلاۋدا دا سەنىم ارتۋعا بولادى دەپ ەسەپتەيمىن! – دەدى حاسان ۋزۋنالييەۆ. وسىلايشا ەمەن-جارقىن كەزدەسۋ بارىسىندا پارتيا ۇمىتكەرلەرى مەن كوپشىلىك قاۋىم كوكەيگە تۇنعان سۇراقتارىن بىرگە تالقىلاپ، ويلارىن ورتاعا سالدى.
(ماتەريال اقىسى ىلە اۋداندى «Nur Otan» پارتياسىنىڭ سايلاۋالدى شتابىنىڭ قورىنان تولەندى)
