الماتى وبلىسىنىڭ اكىمى جەدەل شتاب وتىرىسىن وتكىزدى، - دەپ حابارلايدى Dalanews.kz.
ەڭبەكشىقازاق اۋدانى، ازات اۋىلىنداعى ورتكە جانە تالعار اۋدانىنداعى جاعدايعا بايلانىستى الماتى وبلىسىنىڭ اكىمى مارات سۇلتانعازييەۆ جەدەل شتاب وتىرىسىن وتكىزىپ، شۇعىل جيىن وتكىزدى.
«ءبىز مارقۇمنىڭ وتباسىنا كومەكتەسۋ ءۇشىن بار كۇشىمىزدى سالامىز. جاعداي باقىلاۋدا، بارلىق قۇقىق قورعاۋ ورگاندارى كۇشەيتىلگەن رەجيمدە جۇمىس ىستەپ جاتىر. زاڭدىلىقتى قامتاماسىز ەتۋ ءۇشىن شۇعىل شارالار قابىلداۋ قاجەت. بارلىق كىنالىلەر جاۋاپقا تارتىلادى»، - دەدى مارات سۇلتانعازييەۆ.
سونداي-اق، وبلىس باسشىسى ورتەنگەن ءۇيدى تولىق قالپىنا كەلتىرۋدى تاپسىردى.
«سونىمەن قاتار، وتباسىنا ماتەريالدىق جانە پسيحولوگيالىق كومەك كورسەتىلەدى»، - دەپ اتاپ ءوتتى اكىم.
ايتا كەتەيىك، زارداپ شەگۋشىلەردىڭ اتا-انالارىنىڭ باسپاناسى بولعاندىقتان، ۇسىنىلعان كومەكتەن باس تارتتى.
