– وتكەن جىلى اۋدان مەكتەپتەرىن ارالاپ ءجۇرىپ، اۋىلداعى بالالاردى تاسىمالدايتىن اۆتوبۋستاردىڭ جاعدايىن كورىپ، جۇرەگىمدى ۇستاعانىم بار. سول كەزدە بۇل ماسەلەنى تەزىرەك قولعا الۋ كەرەكتىگىن ءتۇسىندىم. بۇل كولىكتەر وقۋشىلاردىڭ قاۋىپسىزدىكتەرىن قامتاماسىز ەتۋ ءۇشىن جانە جاقسى وقىپ، ۇلگىلى وقۋشى بولۋلارى ءۇشىن بەرىلىپ وتىر، – دەگەن اۋدان باسشىسى، سونداي-اق اۋىل اكىمدەرىنە جاڭا كولىكتەردى تالاپقا ساي ۇستاپ، قاراۋعا تاپسىرما بەردى.
ايتا كەتسەك، اۋداندا جالپى ءبىلىم بەرەتىن 42 ورتا مەكتەپ جۇمىس جاسايدى. ونىڭ ىشىندە 14 مەكتەپكە 25 مەكتەبى جوق ەلدى مەكەندەردەن 2526 وقۋشى تاسىمالدانىپ وقىتىلادى.
10 جاڭا 21 ورىندىق اۆتوبۋستاردى ساتىپ الۋ ءۇشىن جەرگىلىكتى بيۋدجەتتەن 133 ملن. تەڭگە بولىنگەن.
سونىمەن بىرگە، تاسىمالداۋ قاجەتتىلىگىن تولىق شەشۋ ءۇشىن، الداعى ۋاقىتتا 3 مەكتەپتىڭ ساياجايدان 809 وقۋشىسىن تاسىمالدايتىن جانە تالعار قالاسىنا متف-دان 45 وقۋشى تاسىمالدايتىن اۆتوبۋستار ساتىپ الۋ جوسپاردا بار.
