تالدىقورعاننىڭ ورتالىق ساياباعى قايتا جاڭعىردى: 13 قاراشا 2017

تالدىقورعاندا تولىق جٶندەۋ جاسالعان ورتالىق ساياباق پايدالانۋعا بەرٸلدٸ. بۇعان دەيٸن ساياباقتىڭ جارتىسى جەكە كەسٸپكەردٸڭ مەنشٸگٸندە بولاتىن. كەسٸپكەر ساياباقتىڭ ٶز مەنشٸگٸندەگٸ بٶلٸگٸن قايتارىمسىز نەگٸزدە مەملەكەت مەنشٸگٸنە بەردٸ. جاڭارعان ساياباقتىڭ اشىلۋ سالتاناتىنا وبلىس ەكٸمٸ اماندىق باتالوۆ قاتىستى, – دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.

بالالاردىڭ ەن-بيٸمەن باستالعان ساياباقتىڭ اشىلۋىن وبلىس باسشىسى ا. باتالوۆ ٶز قۇتتىقتاۋىمەن جالعادى:

– قۇرمەتتٸ تالدىقورعاندىقتار! ٶزدەرٸڭٸز بٸلەسٸزدەر, بۇعان دەيٸن ساياباقتىڭ بٸر بٶلٸگٸ جەكەمەنشٸكتٸڭ قولىندا بولعاندىقتان, ساياباققا تولىققاندى جٶندەۋ جۇمىسىن جٷرگٸزە الماعان ەدٸك. جەر ۋچاسكەسٸنٸڭ يەسٸ, بەلگٸلٸ كەسٸپكەر, مەتسەنات باعدات مانزوروۆ ساياباقتىڭ ٶزٸنە تيەسٸلٸ بٶلٸگٸن كٶپشٸلٸكتٸڭ يگٸلٸگٸ ٷشٸن مەملەكەتكە قايتارىپ بەردٸ. ەندٸ بالالارىمىز جاڭارعان ساياباقتا ەمٸن-ەركٸن وينايتىن بولادى. بٸز ٶز تاراپىمىزدان ساياباقتىڭ جاڭعىرتۋ جۇمىستارىنا, اباتتاندىرۋ ٸسٸنە قاجەتتٸ قاراجات بٶلدٸك. ساياباقتىڭ كەلبەتٸ تٷگەلدەي ٶزگەردٸ, كٶرٸكتٸ دە قولايلى دەمالىس ورنىنا اينالدى. بالالارعا ارنالىپ جاسالعان ساياباق ەرقاشان كٸشكەنتاي بالعىندارىمىزدى قۋانتا بەرسٸن! – دەدٸ وبلىس ەكٸمٸ ا. باتالوۆ ٶز قۇتتىقتاۋ سٶزٸندە.

قوناقتارساياباقتىڭ اباتتاندىرىلۋىمەن, ەتكەنشەكتەردٸڭ جۇمىسىمەن تانىستى. مۇرات مۇتىرعانوۆتىڭ تسيرك مەكتەبٸنٸڭ ٶنەرپازدارى تٷرلٸ قىزىقتى قويىلىمدارىن ۇسىندى. وبلىس ەكٸمٸمەن بٸرگە اقساقالدار, سپورتشىلار مەن بالالارساياباق ٸشٸندە جاس كٶشەتتەر وتىرعىزدى. جالپى وسى كٷنٸ ساياباق پولشادان ەكەلٸنگەن 50 تٷپ قايىڭ كٶشەتتەرٸمەن تولىقتى. بالالار دەمالىس باعىنداعى 40 ورىندىق جٷردەك پويىزعا وتىرىپ, تٷرلٸ اتتراكتسيونداردا وينادى.

جالپى, ورتالىق ساياباق تولىققاندى جٶندەۋدەن ٶتتٸ. دەمالىس ورنىنىڭ وڭتٷستٸك بٶلٸگٸنٸڭ جاڭعىرتىلۋى 2017 جىلدىڭ ناۋرىزىنان قولعا الىندى. نىساننىڭ جالپى سمەتالىق قۇنى 345,9 ملن. تەڭگە. قۇرىلىس جۇمىستارىن باس مەردٸگەر رەتٸندە «دوستىق استانا نس» جشس جٷرگٸزگەن. سىرتقى جارىقتاندىرىلۋى, جاياۋ جٷرگٸنشٸ جولى, گٷلزارلار مەن گازوندار جاسالىپ, تٷرلٸ اعاشتار وتىرعىزىلعان. شاعىن ارحيتەكتۋرالىق فورمالار, مٷسٸندەر, ورىندىقتار, بالالار ەتكەنشەكتەرٸ, قورشاۋلار, جەشٸكتەر ورناتىلدى. سۋ جەنە ارىق جٷيەلەرٸ جاسالدى. سول سيياقتى نەگٸزگٸ كٸرە بەرٸس پەن اۆتوكٶلٸكتەرگە ارنالعان ورىن جاسالدى.