ينديرا قارابەكوۆا – سەگىز بالانىڭ اناسى. وسىعان دەيىن اسقار ءبىلالوۆ جانۇياعا كومەك كورسەتىپ كەلگەن، جاقىندا تۇرعىن ءۇي ماسەلەسىن تولىق شەشىپ بەرۋگە شەشىم قابىلدادى.
«قارابەكوۆتار جانۇياسىن ءبىراز ۋاقىتتان بەرى بىلەمىن. بۇعان دەيىن ازىق-تۇلىك سەبەتتەرى تۇرىندە قايىرىمدىلىق كورسەتكەنبىز. ۇيلەرىنە كەلگەن سايىن لايىقتى ءومىر سۇرۋگە جاعداي جاسالماعانىن بايقايتىنمىن. سوندىقتان ناۋرىز مەرەكەسى قارساڭىندا وسىنداي سىيلىق جاساۋدى شەشتىك»
- دەدى كاسىپكەر.
ءۇش بولمەلى پاتەر جوندەۋدەن وتكەن جانە جارتىلاي جيھازدالعان. بۇل ينديرا قارابەكوۆا مەن بالالارى ءۇشىن پاتەر توسىن سىي بولدى. كوپبالالى انا ساياجايدا جالدامالى ۇيدە تۇرىپ كەلگەن.
«ءبىزدىڭ جەكە ءۇيىمىز بولادى دەپ ارماندايتىنبىز. ءبىراق بۇل ارمانىمىز وسىنشاما جىلدام ورىندالادى دەپ ويلاماپپىن. اسقاردىڭ جاساعان جاقسىلىعى ءۇشىن العىس بىلدىرەمىن. بۇگىن ءبىزدىڭ ءومىرىمىز كۇرت وزگەردى»، - دەيدى كوپبالالى انا.
بۇل كاسىپكەردىڭ العاشقى قايىرىمدىلىق شاراسى ەمەس. وسىعان دەيىن كاسىپكەر تۇراقتى تۇردە قالالىق قايىرىمدىلىق اكسيالارىنا قاتىسىپ كەلەدى، مۇمكىندىگى شەكتەۋلى بالالارعا مەرەكەلىك شارالارىنىڭ ۇيىمداستىرۋشىسى.
«ءبىزدىڭ كاسىپكەرلەردىڭ ىزگى ىستەرى تۋرالى كەڭىنەن ناسيحاتتاپ، ولاردى جاستار الدىندا ۇلگى ەتىپ وتىرۋىمىز كەرەك. قوعامداعى وزەكتى الەۋمەتتىك جوبالاردى جۇيەلى شەشۋ ءۇشىن ۇلتتىق كاسىپكەرلەر پالاتاسى «مەنىڭ اتامەكەنىم» جوباسىن ىسكە قوستى. atamekenim.kz پورتالىندا كومەككە مۇقتاج جاندار «ماعان كومەك كەرەك» بولىمىندە ءوتىنىم قالدىرا الادى، ال كومەك قولىن سوزۋعا دايىن ادامدار «كومەك بەرۋ» بولىمىنە ءوتىپ، قولداۋ كورسەتە الادى»، - دەدى الماتى وبلىسى كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ باسشىسى الماگۇل وڭعاربايەۆا.
دەرەككوز:
الماتى وبلىسى
كاسىپكەرلەر پالاتاسىنىڭ
باسپا ءسوز قىزمەتى
