Indira Qarabekova – segiz balanyń anasy. Osyǵan deiin Asqar Bilálov januiaǵa kómek kórsetip kelgen, jaqynda turǵyn úi máselesin tolyq sheship berýge sheshim qabyldady.
«Qarabekovtar januiasyn biraz ýaqyttan beri bilemin. Buǵan deiin azyq-túlik sebetteri túrinde qaiyrymdylyq kórsetkenbiz. Úilerine kelgen saiyn laiyqty ómir súrýge jaǵdai jasalmaǵanyn baiqaitynmyn. Sondyqtan Naýryz merekesi qarsańynda osyndai syilyq jasaýdy sheshtik»
- dedi kásipker.
Úsh bólmeli páter jóndeýden ótken jáne jartylai jihazdalǵan. Bul Indira Qarabekova men balalary úshin páter tosyn syi boldy. Kópbalaly ana saiajaida jaldamaly úide turyp kelgen.
«Bizdiń jeke úiimiz bolady dep armandaitynbyz. Biraq bul armanymyz osynshama jyldam oryndalady dep oilamappyn. Asqardyń jasaǵan jaqsylyǵy úshin alǵys bildiremin. Búgin bizdiń ómirimiz kúrt ózgerdi», - deidi kópbalaly ana.
Bul kásipkerdiń alǵashqy qaiyrymdylyq sharasy emes. Osyǵan deiin kásipker turaqty túrde qalalyq qaiyrymdylyq aktsiialaryna qatysyp keledi, múmkindigi shekteýli balalarǵa merekelik sharalarynyń uiymdastyrýshysy.
«Bizdiń kásipkerlerdiń Izgi isteri týraly keńinen nasihattap, olardy jastar aldynda úlgi etip otyrýymyz kerek. Qoǵamdaǵy ózekti áleýmettik jobalardy júieli sheshý úshin Ulttyq kásipkerler palatasy «Meniń Atamekenim» jobasyn iske qosty. atamekenim.kz portalynda kómekke muqtaj jandar «Maǵan kómek kerek» bóliminde ótinim qaldyra alady, al kómek qolyn sozýǵa daiyn adamdar «Kómek berý» bólimine ótip, qoldaý kórsete alady», - dedi Almaty oblysy Kásipkerler palatasynyń adami kapitaldy damytý bóliminiń basshysy Almagúl Ońǵarbaeva.
Derekkóz:
Almaty oblysy
Kásipkerler palatasynyń
baspasóz qyzmeti
