تالدىقورعان قالاسىنىڭ تۇرعىنى الماتى وبلىسىنىڭ ەكس-ەكٸمٸ اماندىق باتالوۆتان 2012 جىلى نەكەسٸز بالا تاپقانىن مەلٸمدەدٸ. الايدا بۇرىنعى شەنەۋنٸك بالاسىن ەلٸ كٷنگە دەيٸن مويىنداماي, تٸپتٸ بەلگٸسٸز بٸر ادامدار قورقىتىپ-ٷركٸتٸپ جٷرگەن كٶرٸنەدٸ, - دەپ حابارلايدى Dalanews.kz NEGE سايتىنا سٸلتەمە جاساپ.
اماندىق باتالوۆتان نەكەسٸز بالا تاپتىم دەگەن قارلىعاش (ٶز ٶتٸنٸشٸمەن ەسٸمٸ ٶزگەرتٸلدٸ – رەد.) بۇعان دەيٸن وتاندىق تەلەارنالاردىڭ بٸرٸندەگٸ توك-شوۋعا شىقپاق بولعان ەكەن. بٸراق ەلدەبٸر قۇدٸرەتتٸ كٷش تەلەارناعا قىسىم جاساپ, تٷسٸرٸلٸمدٸ توقتاتىپ تاستاپتى.
ونىڭ سٶزٸنشە, قارلىعاش باتالوۆپەن 2011 جىلى تانىسقان. ول كەزدە وبلىس ەكٸمٸنٸڭ بٸرٸنشٸ ورىنباسارى بولعان.
"مەنٸ كٶرٸپ, بٸرەۋ ارقىلى تەلەفون نٶمٸرٸمدٸ الدىرىپ, قايتا-قايتا تەلەفون سوقتى. مەن ول كەزدە اجىراسقان ەدٸم, ەكٸ كٸشكەنتاي بالامەن قالعام. جۇمىسسىزبىن. بالالارىم كٸشكەنتاي ەدٸ. سول كەزدە «تانىسايىق, كەزدەسەيٸك» دەپ ول كٸسٸ كەزدەسۋگە شاقىردى. كەلٸستٸم. جٷرگٸزۋشٸسٸ كەلٸپ, مەنٸ الىپ كەتتٸ. «كازاحستانسكايا» كٶشەسٸندە ٷيٸ بولعان, سول پەتەرٸنە باردىق. سٶيلەستٸك, جاقىن تانىستىق. ول كٸسٸ ماعان ٶتە جاقسى ادام بوپ كٶرٸندٸ. مەنٸڭ ٶمٸربايانىمدى سۇرادى. ەكە-شەشەم جوق ەكەنٸن, ەكٸ بالامەن كٷيەۋٸم تاستاپ كەتكەنٸن, بٸرەۋدٸڭ ٷيٸن جيناپ, دەرەتحاناسىن تازالاپ كٷنەلتەتٸنٸمدٸ, تەك تاماققا عانا اقشا تاباتىنىمدى, پەتەر اقىسىن تٶلەي الماي جٷرەگٸمدٸ ايتتىپ, جىلادىم. ول كٸسٸ ماعان «سەن ۋايىمداما, مەن ساعان كٶمەكتەسەمٸن» دەدٸ", - دەيدٸ قارلىعاش.
كەيٸن قارلىعاش باتالوۆپەن جاقىن قارىم-قاتىناستا بولعان.
"ول كٸسٸدەن قىزىما اياعىم اۋىر بوپ قالدى. شىنىمدى ايتسام, ول كٸسٸگە ايتپاي, بالانى الدىرىپ تاستاسام با دەگەن وي بولدى. ٶيتكەنٸ ول – ٷلكەن كٸسٸ, ال مەن جاسپىن. اياعىم اۋىر ەكەنٸن ايتسام قالاي بولادى, تۋعان-تۋىس, ەل-جۇرت نە دەيدٸ دەپ قورىقتىم. سٶيتٸپ التى جارىم ايعا دەيٸن جٷرٸپ قالدىم. كەيٸن بالانى الدىرۋعا بارعانىمدا ول جەردەگٸلەردٸڭ «بالانى كەسٸپ-كەسٸپ سويىپ الامىز» دەگەنٸن ەستٸپ, جىلاپ شىعىپ كەتتٸم.
سول كەزدەردە پەتەر اقىسىن تٶلەۋٸم كەرەك بولدى دا, تەلەفونىمدى ساتىپ, ەكٸ-ٷش اي تەلەفونسىز جٷرٸپ قالدىم. كەيٸن قىزىمدى امان-ەسەن بوسانىپ, جٶرگەكاقىسىنا تەلەفون ساتىپ الدىم. سول كەزدە اماندىق عابباسۇلى «سەنٸڭ نٶمٸرٸڭدٸ ەزەر تاپتىم» دەپ تەلەفون سوقتى. ول كٸسٸگە «سٸزگە سيۋرپريزٸم بار» دەپ ەدٸم, ٷندەمەي قالدى, بٸردەن تٷسٸندٸ. «قىز تۋدىم» دەدٸم. «مەن قازٸر الماتىدامىن, جاقىن ارادا كەلەمٸن, كەزدەسەيٸك» دەدٸ ول كٸسٸ. «جاقسى» دەدٸم. بٸراق سودان كەيٸن ماعان مٷلدەم حابارلاسپادى", - دەيدٸ قارلىعاش.
كەيٸننەن قارلىعاشقا قوقان-لوقى كٶرسەتٸلە باستاپتى.
"قىزىم بەس-التى ايلىق بولعان كەزدە ول كٸسٸگە سۋرەتتەرٸن جٸبەرەتٸنمٸن. ەشتەڭە ايتپايمىن, تەك سۋرەتتەر عانا جٸبەرەم. ول كٸسٸ كٶرەدٸ, بٸراق جاۋاپ بەرمەيدٸ. كەيٸن ول كٸسٸگە جازىپ, «قىزىما تەگٸڭٸزدٸ بەرٸڭٸز, قايتا-قايتا كٶمەك سۇراتا بەرمەڭٸز» دەدٸم. سول كەزدەن باستاپ تٷرلٸ قوقان-لوققى باستالدى.
2018 جىلى بٸرەۋلەر تەلەفون سوعىپ: «سٸز مەنٸ تىڭداڭىز, بۇدان بىلاي بٸزدٸڭ كٶكەمٸزگە حابارلاساتىن بولساڭىز, بالاڭىزدىڭ اياق-قولىن سىندىرىپ, ٶرتەپ كەتەمٸز», – دەدٸ. بالام ەسٸكتٸڭ الدىندا ويناپ جٷرگەن, قاتتى قورىقتىم. جٷگٸرٸپ بالكونعا شىعىپ, ايقايلاپ بالامدى شاقىرا باستادىم.
سول كەزدە جاڭاعى ادام ەكٸنشٸ رەت تەلەفون سوقتى دا, كٷلٸپ تۇرىپ: «نە, قورقىپ كەتتٸڭ بە? بۇل ساعان العاشقى جەنە سوڭعى ەسكەرتۋ! ەندٸ كٶكەمٸزدٸ مازالايتىن بولساڭ, سەنٸڭ دا قول-اياعىڭدى سىندىرىپ, قالانىڭ سىرتىنا اپارىپ كٶمٸپ كەتەمٸز, سەنٸ ەشكٸم تابا الماي قالادى. ۇقتىڭ با?! – دەدٸ ٶكتەم داۋىسپەن. بالامدى الىپ كەتە مە دەپ «ۇقتىم» دەدٸم. «ۇقتىڭ با?! ۇقتىڭ با?!» دەپ تٶرت-بەس رەت سۇرادى. «ۇقتىم, ۇقتىم» دەي بەردٸم...", - دەيدٸ ول.
