«جىرعا تۇنعان مەكەنىم - جەتىسۋىم» اتتى تۇساۋكەسەر شاراسىنىڭ العاشقى ءسوزى وبلىس اكىمىنىڭ ورىنباسارى جاقسىلىق ومارعا بەرىلدى.
- مادەنيەت پەن ادەبيەتكە قامقورلىق جاساۋ ماقساتىندا مەملەكەت باسشىسى وسىدان 14 جىل بۇرىن «مادەني مۇرا» مەملەكەتتىك باعدارلاماسىن جۇزەگە اسىرۋدى تاپسىرعان بولاتىن. وسى باعدارلاما اياسىندا 2006 جىلدان بەرى جەتىسۋ قالامگەرلەرىنىڭ كىتاپتارىن شىعارۋ داستۇرگە اينالىپ كەلەدى. جىل سايىن وقىرمانعا جول تارتقان جاڭا جيناقتار ءوڭىردىڭ رۋحانياتىنا ۇلكەن ۇلەس بولىپ قوسىلىپ، جاس ۇرپاقتىڭ تانىمىن كەڭەيتۋگە ىقپال ەتىپ كەلەدى، - دەدى ج. ومار.
سونىمەن قاتار ج. ومار وبلىس كىتاپحانالارىنا ەنگىزىلىپ جاتقان «ەلەكتروندى مەملەكەتتىك كىتاپحانا قورى»جوباسى شەڭبەرىندە شىعارىلعان كىتاپتاردىڭ ساندىق تاسپاعا ەنگىزۋجۇرىپ جاتقانىن جانە باسقا دا اتقارىلعان جۇمىستارعا توقتالىپ ءوتتى.
مۇنان سوڭ «سەزىم سىرى» كىتابىنىڭ اۆتورى حاسەن كوپتىلەۋوۆ اق باتاسىن بەرىپ، قازاقستاننىڭ حالىق ءارتىسى، اكتەر نۇرجۇمان ىقتىمبايەۆپەن بىرگە كىتاپتاردىڭ لەنتاسىن قيدى.
تۇساۋى كەسىلگەن كىتاپ اۆتورلارى ءوزارا پىكىر الماسىپ، ويلارىن ورتاعا سالدى. ولاردىڭ قاتارىندا قازاقستان سۋرەت اكادەمياسىنىڭ پرەزيدەنتى امانقوس اقانايەۆ،«كارتينالار توپتاماسى» فوتوالبومىنىڭ اۆتورى مارات ءنۇسىپوۆ، «جەڭىس - پوبەدا» كىتابىنىڭ اۆتورى ۆيكتور نيكيتين، «ايقاباق» كىتابىنىڭ اۆتورى امىرە ءارىن، سول سياقتى «تاۋ مەن وزەن بايانى»، «جەتىسۋعا قۇيىلعان جىلعالار» اتتى جيناق كىتاپتارىنىڭ قۇراستىرۋشىلارى ەرلان ءجۇنىس، ەسبولات ايدابوسىن جانە باسقالارى بار. ءسوز سويلەگەندەر الماتى وبلىسىندا ادەبيەتتىڭ دامۋىنا ەرەكشە كوڭىل بولىنەتىنىن اتاپ ءوتىپ، كىتاپ شىعارۋعا كورسەتىلگەن قولداۋلار ءۇشىن ريزاشىلىقتارىن ءبىلدىردى.
جالپى، وبلىس اكىمىنىڭ قولداۋىمەن 2006-2016 جىلدار ارالىعىندا «مادەني مۇرا» باعدارلاماسىنىڭ اياسىندا 327 اۆتوردىڭ 402 ملن. 597 مىڭ تەڭگەگە 281 838 كىتاپ شىعارىلعان.
الماتى وبلىسى اكىمىنىڭ باسپا ءسوز قىزمەتى
