ماراپاتتاۋ رەسٸمٸندە وبلىس ەكٸمٸ قانات بوزىمباەۆ ٶڭٸردٸڭ دامۋىنا ٷلەس قوسىپ جٷرگەن جۋرناليستەر قاۋىمىن قۇتتىقتاپ, ەڭبەكتەرٸنە تابىس تٸلەدٸ:
– سٸزدەر, جۋرناليستەر, قوعامدىق ٶمٸردەگٸ ماڭىزى ەرەكشە ەرٸ جاۋاپكەرشٸلٸگٸ مول كەسٸپتٸڭ يەسٸسٸزدەر. ۋاقىتپەن ساناسۋدى بٸلمەيتٸن, ٶزەكتٸ مەسەلەلەردٸڭ, تٶتەنشە وقيعالاردىڭ بەل ورتاسىندا جٷرەتٸن تٸلشٸلەردٸڭ ەڭبەگٸ ەردايىم باعالاۋعا لايىق. تەۋەلسٸز قازاقستاننىڭ, سونىڭ ٸشٸندە الماتى وبلىسىنىڭ دا مەرەيلٸ شارالارى, ٶسۋ كەزەڭدەرٸ بۇقارالىق اقپارات قۇرالدارىندا ٷزدٸكسٸز جارىق كٶرٸپ كەلەدٸ. وبەكتيۆتٸ بايلانىس ارناسى بولا وتىرىپ, سٸزدەر حالىقتى عانا ەمەس, وبلىس باسشىلىعىن دا اقپاراتتارمەن حاباردار ەتٸپ وتىرسىزدار, سٶيتٸپ بٸزگە تۇرعىنداردىڭ ٶزەكتٸ مەسەلەلەرٸن شەشۋگە كٶمەك ەتٸپ كەلەسٸزدەر. سوندىقتان جۋرناليستەردٸ جەتٸسۋ ايماعىن دامىتۋ جولىندا ەردايىم سەنٸمدٸ ەرٸپتەس سانايمىن. «سامعاۋ» بايقاۋى – جاقسى دەستٷر. دەگەنمەن كەلەسٸ جىلى كونكۋرستى ۇيىمداستىرۋدا جاڭاشىلدىق ەنگٸزٸپ, سىيلىق كٶلەمٸن ۇلعايتۋعا ۋەدە بەرەمٸن. ەل تەۋەلسٸزدٸگٸنٸڭ مەرەيلٸ 30 جىلدىعىنداعى سٸزدەر ٷشٸن بۇل ماراپاتتىڭ ورنى ەرەكشە بولادى دەپ ويلايمىن, – دەدٸ قانات بوزىمباەۆ. بۇدان ەرٸ ماراپاتتاۋ رەسٸمٸ اتقارىلدى.
جالپى بۇل بايقاۋ بيىل 5-شٸ رەت ٶتكٸزٸلٸپ وتىر. بايقاۋعا 120-دان استام ٶتٸنٸش كەلٸپ تٷسكەن. سونىڭ ٸشٸندە باق-تىڭ 33 ٶكٸلٸ قارا ٷزٸپ شىقتى. بٸرٸنشٸ ورىن يەگەرلەرٸ رەتٸندە «كەربۇلاق جۇلدىزى» گازەتٸنەن ازامات اقىلبەكوۆ, «زامان جارشىسى» باسىلىمىنىڭ تٸلشٸسٸ بۇرىم ورىنباسار, «جەتٸسۋ» تەلەارناسىنىڭ قىزمەتكەرلەرٸ – رەداكتور جادىرا ماراتوۆا, وپەراتور ريزات قىدىرالين, پروديۋسسەر ەدٸلبەك ابيلوۆ, ارداگەر فوتوگراف نۇرمانبەت قيزاتۇلى, «ەگەمەن قازاقستان» ينتەرنەت سايتىنىڭ رەداكتورى دينار كەرٸم, «Karasayinfo.kz» جەلٸلٸك باسىلىمىنىڭ رەداكتورى اتلانا يساەۆا, «جەتٸسۋ» گازەتٸنٸڭ ديزاينەرٸ ساقىپ تٶكەەۆا, بلوگەر, پانفيلوۆ اۋدانى ەكٸمٸنٸڭ باسپاسٶز حاتشىسى نۇربول قاناعات ماراپاتتالدى. جٷلدەگەرلەردٸڭ بەرٸنە ارنايى ستاتۋەتكالار, ديپلومدار مەن اقشالاي سىيلىقتار بەرٸلدٸ. «وبلىس جۋرناليستيكاسى سالاسىنا قوسقان ٷلەسٸ ٷشٸن» نوميناتسيياسىن «وگني الاتاۋ» گازەتٸنٸڭ باس رەداكتورى اتساليم يديگوۆ يەلەنٸپ, جۋرناليستەر اتىنان ريزاشىلىق تٸلەگٸن بٸلدٸردٸ.
بەيسەن قۇرانبەك اتىنداعى جٷلدەنٸڭ يەگەرٸ, جۋرناليستيكادا 30 جىلعا جۋىق ەڭبەك ٶتٸلٸ بار جۋرناليست گٷلجانات ماقۇلجانوۆا ٶزٸنٸڭ تولقىنىستى ەسەرٸن جاسىرعان جوق:
– بەيسەن قۇرانبەكپەن كٶزٸ تٸرٸسٸندە ەرٸپتەس, سىيلاس, زامانداس بولدىق. بەيسەننٸڭ اتىنداعى نوميناتسييانىڭ تۇڭعىش يەگەرٸ بولۋ - مەن ٷشٸن بٸر جاعىنان قۋانىش, ەكٸنشٸدەن, ٷلكەن جاۋاپكەرشٸلٸك. ول بٸزگە ەرٸ باسشى ەرٸ تەلٸمگەر بولدى. سالماقتى جوبالاردى, تٷرلٸ فيلمدەر مەن حابارلاردى بٸرگە جاسادىق. ونىڭ سەنٸم ارتقانى مەنٸ ٷنەمٸ العا جەتەلەيتٸن. «سامعاۋ» بايقاۋىنا بەيسەن قۇرانبەك اتىنداعى نوميناتسييانىڭ قوسىلعانى – بەرٸمٸز ٷشٸن دە زور مەرتەبە, – دەدٸ گ.ماقۇلجانوۆا.
