بٷگٸن مەملەكەت باسشىسى قاسىم-جومارت توقاەۆتىڭ تەجٸكستانعا مەملەكەت ساپارى باستالدى. دۋشانبە ەۋەجايىنان قازاقستان پرەزيدەنتٸن تەجٸكستان باسشىسى ەمومالي راحمون كٷتٸپ الدى. ەكٸ ەل اراسىنداعى ٶزارا تاۋار اينالىمى كەيٸنگٸ جىلدارى 1 ملرد دوللاردان اسقان. ەندٸ الداعى ۋاقىتتا ونى ەكٸ ەسە ارتتىرۋ جوسپارلانىپ وتىر. وسى ماقساتتا قازاقستان مەن تەجٸكستان 2025-2027 جىلدارى ٶزارا تاۋار اينالىمىن ارتتىرۋعا ارنالعان جول كارتاسىنا قول قويماق.
قازٸرگٸ تاڭدا قازاقستاننان كٶرشٸ ەلگە بيداي, تابيعي گاز, اليۋمينيي وكسيدتەرٸ مەن گيدروكسيدتەرٸ, بيداي ۇنى, ارپا, ماكارون ٶنٸمدەرٸ, تسيانيدتەر جەنە ت. ب. ەكسپورتتالادى. ال تەجٸكستاننان بٸزگە مىس, مىرىش جەنە قورعاسىن كەندەرٸ مەن كونتسەنتراتتارى, كەپتٸرٸلگەن جەمٸستەر, جاڭعاقتار نەمەسە كەپتٸرٸلگەن جەمٸستەر قوسپالارى, جٷزٸم, پيياز, سارىمساق, مينەرال جەنە گازدالعان سۋدى قوسا العاندا, سۋ, ٶرٸك, شيە, شيە, شابدالى, قارا ٶرٸك يمپورتتالادى. بٸز تەجٸكستاننىڭ ساۋدا سەرٸكتەستەرٸنٸڭ ٷزدٸك بەستٸگٸندەمٸز ەرٸ نەگٸزگٸ ينۆەستورلاردىڭ بٸرٸمٸز.
شيكٸزات ەمەس, دايىن ٶنٸمدەردٸ ەكسپورتتاۋدا الماتى وبلىسىنىڭ ماڭىزى ەرەكشە. ٶيتكەنٸ الماتى وبلىسىنىڭ تەجٸكستانمەن تاۋار اينالىمىنداعى ەكسپورت ٷلەسٸ — 99 پايىز. بۇل دەگەنٸمٸز ايماققا كٶرشٸ ەلدەن ەشتەڭە يمپورتتالمايدى دەگەن سٶز. بٸراق تەجٸكتەرگە 2024 جىلدىڭ باسىنان بەرٸ 25 ملن دوللارعا دايىن ٶنٸم ساتقان. ونىڭ ٸشٸندە ماكارون ٶنٸمدەرٸ, تەز دايىندالاتىن لاپشا, سۇيىق ماي, بالمۇزداق بار. بٸلە بٸلسەڭٸز, ەلەمدٸك الپاۋىت كومپانييالار كەيٸنگٸ كەزدەرٸ الماتى وبلىسىنان زاۋىتتارىن اشىپ جاتىر. ولاردىڭ قاتارىندا Danon, Lays, Mareven, Phillip Morris, Britich Tobacco, RG, JTI جەنە Knauf سىندى بەلگٸلٸ برەندتەر بار. دەمەك, وبلىستىڭ ورنالاسقان جەرٸ ٶتە تيٸمدٸ. مٸنە, سول مٷمكٸندٸكتٸ تيٸمدٸ پايدالانىپ وتىر. ٸرٸ زاۋىتتار اشىلىپ, جۇمىس ٸستەگەندٸكتەن, ەندٸ وبلىس ٶنٸمدەرٸن ورتالىق ازييا, تاياۋ شىعىس ەلدەرٸنە ەكسپورتتايدى دەگەن سٶز. ودان قالا بەردٸ شين-لاين, Alinex, Galanz سيياقتى وتاندىق برەندتەر دە وبلىستا بەكەم ورنالاسىپ العان. ايتپاقشى, رەسەيدەن كەتكەن Lays قازٸر ٸلە اۋدانىندا زاۋىت سالىپ جاتىر. بۇل دا مول مٷمكٸندٸك ەكەلۋگە تيٸس.
