Búgin Memleket basshysy Qasym-Jomart Toqaevtyń Tájikstanǵa memleket sapary bastaldy. Dýshanbe áýejaiynan Qazaqstan prezidentin Tájikstan basshysy Emomali Rahmon kútip aldy. Eki el arasyndaǵy ózara taýar ainalymy keiingi jyldary 1 mlrd dollardan asqan. Endi aldaǵy ýaqytta ony eki ese arttyrý josparlanyp otyr. Osy maqsatta Qazaqstan men Tájikstan 2025-2027 jyldary ózara taýar ainalymyn arttyrýǵa arnalǵan jol kartasyna qol qoimaq.
Qazirgi tańda Qazaqstannan kórshi elge bidai, tabiǵi gaz, aliýminii oksidteri men gidroksidteri, bidai uny, arpa, makaron ónimderi, tsianidter jáne t. b. eksporttalady. Al Tájikstannan bizge mys, myrysh jáne qorǵasyn kenderi men kontsentrattary, keptirilgen jemister, jańǵaqtar nemese keptirilgen jemister qospalary, júzim, piiaz, sarymsaq, mineral jáne gazdalǵan sýdy qosa alǵanda, sý, órik, shie, shie, shabdaly, qara órik importtalady. Biz Tájikstannyń saýda seriktesteriniń úzdik bestigindemiz ári negizgi investorlardyń birimiz.
Shikizat emes, daiyn ónimderdi eksporttaýda Almaty oblysynyń mańyzy erekshe. Óitkeni Almaty oblysynyń Tájikstanmen taýar ainalymyndaǵy eksport úlesi — 99 paiyz. Bul degenimiz aimaqqa kórshi elden eshteńe importtalmaidy degen sóz. Biraq tájikterge 2024 jyldyń basynan beri 25 mln dollarǵa daiyn ónim satqan. Onyń ishinde makaron ónimderi, tez daiyndalatyn lapsha, suiyq mai, balmuzdaq bar. Bile bilseńiz, álemdik alpaýyt kompaniialar keiingi kezderi Almaty oblysynan zaýyttaryn ashyp jatyr. Olardyń qatarynda Danon, Lays, Mareven, Phillip Morris, Britich Tobacco, RG, JTI jáne Knauf syndy belgili brendter bar. Demek, oblystyń ornalasqan jeri óte tiimdi. Mine, sol múmkindikti tiimdi paidalanyp otyr. Iri zaýyttar ashylyp, jumys istegendikten, endi oblys ónimderin Ortalyq Aziia, Taiaý Shyǵys elderine eksporttaidy degen sóz. Odan qala berdi Shin-lain, Alinex, Galanz siiaqty otandyq brendter de oblysta bekem ornalasyp alǵan. Aitpaqshy, Reseiden ketken Lays qazir Ile aýdanynda zaýyt salyp jatyr. Bul da mol múmkindik ákelýge tiis.
