تەجاياقوۆ ەلگە ورالدى
ازامات تەجاياقوۆ مٸنگەن ۇشاق الماتى ەۋەجايىنا تاڭعى ساعات 5:30- دا قوندى, – دەپ حابارلايدى كتك تەلەارناسى. جات جەردە جازىقتى بولىپ, تٷرمەگە توعىتىلعان ۇلدارىن قارسى الۋعا اتا-اناسى مەن تۋىستارى تايلى-تۇياعى قالماي تٷگەل كەلگەن. بٸرنەشە جىلدان كەيٸن تۋعان جەرگە تابانى العاش تيگەن ازامات ۇشاقتان تٷسە سالىسىمەن اعايىندارىمەن ارقا-جارقا قۇشاقتاسىپ, اقتان دەم تاتتى. 2013 جىلدان بەرٸ اقش-تا قاماۋدا بولعان ول باسىنا ٷيٸرٸلگەن قارا بۇلتتىڭ سەيٸلگەنٸن ەندٸ عانا سەزٸنگەندەي.
ازامات تەجاياقوۆ:
– قازٸر جٷرەگٸم توقتاپ قالارداي بولىپ تۇر. قاتتى سوعىپ جاتىر. قۋانىشىمدا شەك جوق. كەلٸپ كٷتٸپ العاندارىڭىزعا راحمەت. ەكەمە قوڭىراۋ شالىپ جاعدايىمدى بٸلٸپ تۇرعاندارىڭىزعا راحمەت. 3,5 جىل بولدى قازاقستاندا بولماعانىما. ەت جەپ دەمالىپ, قىمىز ٸشٸپ جاتقىم كەلەدٸ.
اقش-قا بٸلٸم الامىن دەپ بارىپ, باسى بەلەگە قالعان ۇلىمەن قايتا قاۋىشقان اتا-انانىڭ دا قۋانىشىندا شەك جوق. سەبەبٸ ولار 3 جىل بويى كٷندٸز كٷلكٸدەن, تٷندە ۇيقىدان ايىرعان كٶكەيدەگٸ كٸربٸڭنەن ارىلىپ وتىر. سوندىقتان ەمٸر ىسماعۇلوۆ بالاسىنىڭ تٸلەۋٸن تٸلەگەن بارشا حالىققا العىس ايتىپ, اعىنان جارىلدى.
ەمٸر ىسماعۇلوۆ, ازامات تەجاياقوۆتىڭ ەكەسٸ:
– بٸزدٸڭ وتباسى ٷشٸن بٷگٸن ەڭ باقىتتى كٷن. مەن پرەزيدەنت نۇرسۇلتان نازارباەۆقا ٷلكەن راحمەت ايتقىم كەلەدٸ. ٶيتكەنٸ بالالار 25 جىل الۋى مٷمكٸن ەدٸ. سودان كەيٸن باس پروكۋراتۋراعا, سىرتقى ٸستەر مينيسترلٸگٸنە راحمەت ايتقىم كەلەدٸ. جەنە قازاق حالقىنا راحمەتٸمدٸ ايتامىن.
ازامات تەجاياقوۆ تٷرمەدە تەككە جاتپاي تٸل مەڭگەرگەن ەكەن. ياعني اعىلشىننان بٶلەك يسپان, قىتاي تٸلدەرٸن ٷيرەنگەن. سوندىقتان الداعى ۋاقىتتا بٸلٸمٸن سول قىتايدا جەتٸلدٸرۋٸ مٷمكٸن. سەبەبٸ مۇحيتتىڭ ارعى بەتٸنە ەندٸ قايتىپ بارا المايدى.
ەمٸر ىسماعۇلوۆ, ازامات تەجاياقوۆتىڭ ەكەسٸ:
– ول 2 جىل وقۋىن وقىدى. بٸراق ەندٸ ول امەريكادا وقىمايدى. ول باسقا جاقتا وقيدى.
2013 جىلدىڭ سەۋٸرٸندە بوستونداعى مارافون كەزٸندە جارىلىس بولىپ, 4 ادام قازا تاپقان. لاڭكەستٸك ەرەكەتتٸ ۇيىمداستىرعان اعايىندى تسارناەۆتاردىڭ ٷلكەنٸ تامەرلان قۇرىقتاۋ شاراسى كەزٸندە ٶلسە, كٸشٸسٸ جوحاردى اقش سوتى ونى ٶلٸم جازاسىنا كەستٸ. ال ەكٸ قازاق ستۋدەنتٸ - ازامات تەجاياقوۆ پەن دياس قادىرباۆ وسى كٸشٸ تسارناەۆقا كٶمەكتەستٸ دەگەن ايىپپەن جازاعا تارتىلعان بولاتىن.
قازٸر امەريكا تٷرمەسٸندە تاعى بٸر وتانداسىمىز جازاسىن ٶتەپ جاتىر. دياس قادىرباەۆ تا بوستونداعى وقيعاعا قاتىستى تەرروريزم بابى بويىنشا ايىپتالىپ, 6 جىلعا باس بوستاندىعىنان ايىرىلعان بولاتىن. سوندىقتان ول ەندٸ 2 جىلدان كەيٸن ەلگە ورالماق. ال جازادان تولىق قۇتىلعان ازامات تەجاياقوۆ بٷگٸن تٷندە تۋعان جەرٸ اتىراۋ وبلىسىنا جول تاراتادى. سەبەبٸ ول ٷشٸن 3 جارىم جىلدان اسا ۋاقىتقا سوزىلعان ازاپتى كٷندەر وسىمەن اياقتالدى.
