تاعى دا مايگٷلگە
وتىراسىڭ قاسىما كەلەسٸڭ دە.
سەن ٶلگەنسٸڭ, جانىم-اۋ, مەن تٸرٸمٸن,
مەن تٸرٸمٸن.
تٸرٸمٸن!
كٶرەسٸڭ بە!!!
كٶنگەن جانىم جازاعا, قازاعا دا,
ٶكپەلەمە,
سەن ەندٸ جازالاما.
شىن بولسا, تابىسارمىز احيرەتتە,
ەزٸرششە, جانىم, مەنٸ مازالاما!..
مەن دەگەن - تٸرٸ جانمىن,
سەن - ەلەسسٸڭ.
بٸلەسٸڭ عوي, ٶلتٸرگەن مەن ەمەسپٸن,
مەن ٷشٸن ارتىق ەمەس سەنەن ەشكٸم,
بٸراقتا, سەن - ەلەسسٸڭ,
سەن - ەلەسسٸڭ!
اراشا تۇرا الادى كٸم ٶلٸمگە,
جاتا بەر مەنٸ كٷتٸپ تٷنەگٸڭدە.
ەزٸرگە تٸرٸ جٷرسەم بۇل ٶمٸردە,
سەنٸڭ ورنىڭ وڭاشا جٷرەگٸمدە.
مايگٷلٸم, گٷلٸم مەنٸڭ, كٶگٸم مەنٸڭ!
جٷرەگٸن قييار دەيسٸڭ ٶلٸمگە كٸم.
سەن - مەنٸڭ جٷرەگٸم ەڭ.
دەگەنمەنەن,
ەلەسسٸڭ, ەندٸ ماعان كٶرٸنبەگٸن...
بٸر كٷنٸ,
بٸر جىلدارى,
بٸر زاماندا,
ۋاقىت قۋاتىمدى ۇرلاعاندا,
شابىتتىڭ اق باستاۋى قۇرعاعاندا,
شىنىمەن قالام الىپ, جىر جازام با! ?
جٷرەكتە وت,
ويدا جاسىن قالماعاندا,
تاعى دا جىر جازام دەپ قارمانام با?!
جاستىقتا جازىپ كەتكەن جىرىمدى وقىپ,
تاڭدانام با, كٸم بٸلسٸن, الدانام با?!
و, مۋزا!
مەڭگٸ جاستىق!
قايراي دوسىم!
قاي كٷنٸ اۋار ەكەن سايران دوسىم.
پوەزييا - جاستىق قوي جالىن ۇشقان,
جاس كٷندە جازعانىڭداي قايدان بولسىن.
و, جاستىق!
سەن ٶلگەندە, مەن ٶلەمٸن,
سەنسٸز مەن قيىلعان بٸر بٶرەنەمٸن.
كٶنەرەمٸن, بٸلەمٸن,كٶنەرمٸن.
كٶگەرە بەر مەڭگٸلٸك سەن, ٶلەڭٸم!..
جىرسىز مەنٸڭ ٶمٸرگە نە كەرەگٸم,
جىردان باسقا جۇرتىما نە بەرەمٸن.
مۇقاعالي ماقاتاەۆ
