تاعى ءبىر تانىمال سپورتشى لاۋازىمدى قىزمەتكە تاعايىندالدى

قاراكوز امانتاي 05 ناۋ. 2024 15:07 5211

ق ر ەڭبەك سىڭىرگەن سپورت شەبەرى اقجۇرەك تاڭاتاروۆ جامبىل وبلىسى اكىمىنىڭ كەڭەسشىسى بولدى. بۇل تۋرالى اكىمدىكتىڭ باسپا ءسوز قىزمەتى ءمالىم ەتتى، دەپ حابارلايدى Dalanews.kz.

"اقجۇرەك تاڭاتاروۆ جامبىل وبلىسى اكىمىنىڭ سپورتتى دامىتۋ جونىندەگى كەڭەسشىسى (شتاتتان تىس) بولىپ تاعايىندالدى"، - دەلىنگەن حابارلامادا.

ايتا كەتەيىك، اقجۇرەك تاڭاتاروۆ ەركىن كۇرەستەن قازاقستاننىڭ 4 دۇركىن چەمپيونى، بىرنەشە دۇركىن حالىقارالىق بىرىنشىلىكتىڭ جەڭىمپازى، سونىمەن قاتار ەركىن كۇرەستەن لوندون وليمپياداسىنىڭ قولا جۇلدەگەرى.

سوڭعى كەزدەرى سپورتشىلار ساياساتتان ءجيى توبە كورسەتىپ، لاۋازىمدى قىزمەتتەرگە تاعايىندالا باستادى. ماسەلەن، استانا قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى لاۋازىمىنا ۆاسيليي ليەۆيت كەلسە، قازاقستاندىق كاسىپقوي بوكسشى گەنناديي گولوۆكين ۇلتتىق وليمپيادا كوميتەتىنىڭ باسشىسى بولىپ تاعايىندالدى.


ۇسىنىلعان
سوڭعى جاڭالىقتار
x