QR eńbek sińirgen sport sheberi Aqjúrek Tańatarov Jambyl oblysy ákiminiń keńesshisi boldy. Bul týraly ákimdiktiń baspasóz qyzmeti málim etti, dep habarlaidy Dalanews.kz.
"Aqjúrek Tańatarov Jambyl oblysy ákiminiń sportty damytý jónindegi keńesshisi (shtattan tys) bolyp taǵaiyndaldy", - delingen habarlamada.
Aita keteiik, Aqjúrek Tańatarov erkin kúresten Qazaqstannyń 4 dúrkin chempiony, birneshe dúrkin halyqaralyq birinshiliktiń jeńimpazy, sonymen qatar erkin kúresten London Olimpiadasynyń qola júldegeri.
Sońǵy kezderi sportshylar saiasattan jii tóbe kórsetip, laýazymdy qyzmetterge taǵaiyndala bastady. Máselen, Astana qalasynyń Dene shynyqtyrý jáne sport basqarmasynyń basshysy laýazymyna Vasilii Levit kelse, qazaqstandyq kásipqoi boksshy Gennadii Golovkin Ulttyq Olimpiada komitetiniń basshysy bolyp taǵaiyndaldy.
