كەيٸنگٸ ۋاقىتتا ەلٸمٸزدە قايىرىمدىلىق قورلارىنا قاتىستى داۋ-داماي جيٸلەپ كەتتٸ. 2024 جىلى "Biz Birgemiz Qazaqstan" قورىنىڭ نەگٸزٸن قالاۋشى پەريزات قايرات 3,5 ميلليارد تەڭگەنٸ جىمقىردى دەگەن كٷدٸككە ٸلٸندٸ. اراعا ۇزاق ۋاقىت سالماي, دەل وسى ايىپپەن "ەلگە كٶمەك" قورىنىڭ جەتەكشٸسٸ ٸليياس سەريەۆتٸڭ دە ۇستالعانى بەلگٸلٸ بولدى. بۇل ەكٸ وقيعا قوعامدا ٷلكەن تالقى تۋدىرىپ, قايىرىمدىلىق ۇيىمدارىنا دەگەن سەنٸمدٸ شايقالتتى. وسى تۇستا, مەجٸلٸس دەپۋتاتى ەرٸ بەلگٸلٸ زاڭگەر ابزال قۇسپان اتالعان فاكتٸلەرگە قاتىستى قۇقىقتىق باعا بەردٸ, دەپ حابارلايدى Dalanaews.kz.
"ەلگە كٶمەك" قورىنىڭ جەتەكشٸسٸ ٸليياس سەريەۆتٸڭ ۇستالۋى
الماتىدا "ەلگە كٶمەك" قايىرىمدىلىق قورىنىڭ باسشىسى ٸليياس سەريەۆ الاياقتىق جاسادى دەگەن كٷدٸكپەن ۇستالدى. بۇل اقپاراتتى العاش بولىپ زاڭگەر نۇرسۇلتان ورىنبەكوۆ ەلەۋمەتتٸك جەلٸدە جارييالادى. ول سەريەۆكە بٸرنەشە ازامات ارىز تٷسٸرگەنٸن جازعان.
"ٸليياس سەريەۆ الاياقتىق ەرەكەتتەرگە بايلانىستى كٷدٸككە ٸلٸندٸ. بۇل تۋرالى ناقتى اقپارات كەلٸپ تٷستٸ. قازٸرگٸ ۋاقىتتا وعان بٸرنەشە ازاماتتان ارىز تٷسكەنٸ بەلگٸلٸ. سول ارىزداردىڭ نەگٸزٸندە ۇستالعان", – دەدٸ زاڭگەر.
كەيٸن الماتى قالالىق پوليتسييا دەپارتامەنتٸ بۇل اقپاراتتى رەسمي تٷردە راستادى.
سەريەۆ ەلەۋمەتتٸك جەلٸدە ٶزٸن "قازاقتىڭ روبين گۋدى" رەتٸندە تانىستىرىپ, تٷرلٸ كونتسەرتتەر مەن قايىرىمدىلىق شارالارىن ۇيىمداستىرىپ كەلگەن. Instagram پاراقشاسىندا 600 مىڭنان استام جازىلۋشىسى بار. ال "ەلگە كٶمەك" قورىنىڭ پاراقشاسىنا 400 مىڭعا جۋىق ادام جازىلعان.
الايدا قوردىڭ رەسمي تٸركەلگەنٸ جايلى ناقتى اقپارات جوق. زاڭدى تۇلعالار رەەسترٸنەن اتالعان قوردىڭ اتاۋى تابىلمادى.
پەريزات قايرات ٸسٸ: 3,5 ميلليارد تەڭگە جىمقىردى دەگەن كٷدٸك
2024 جىلى دەل وسىنداي جاعداي قايىرىمدىلىق ۇيىمدارىنا دەگەن سەنٸمدٸ تاعى بٸر مەرتە شايقاعان ەدٸ. "Biz Birgemiz Qazaqstan" قايىرىمدىلىق قورىنىڭ نەگٸزٸن قالاۋشى پەريزات قايراتقا الاياقتىق جاسادى جەنە قىلمىستىق جولمەن كەلگەن تابىستى زاڭداستىردى دەگەن ايىپ تاعىلدى.
تەرگەۋ دەرەكتەرٸنە سٷيەنسەك, قايرات 2021–2024 جىلدار ارالىعىندا قور اتىنان بالالارعا, پالەستيناداعى قاقتىعىس قۇرباندارىنا جەنە سۋ تاسقىنىنان زارداپ شەككەندەرگە كٶمەك كٶرسەتۋ ٷشٸن قاراجات جيناعان. الايدا بۇل قارجى جەكە شوتتارعا اۋدارىلىپ, اۆتوكٶلٸك, جىلجىمايتىن مٷلٸك پەن قىمبات بۇيىمدار ساتىپ الۋعا جۇمسالعانى انىقتالدى. كەلتٸرٸلگەن زالال كٶلەمٸ 3,5 ميلليارد تەڭگەگە جەتكەن.
"قايىرىمدىلىقتى" قالقان ەتكەن ەكٸ كٷدٸكتٸگە قانداي جازا تاعايىندالۋى مٷمكٸن?
مەجٸلٸس دەپۋتاتى ابزال قۇسپاننىڭ ايتۋىنشا, قازٸرگٸ قولدانىستاعى زاڭ اياسىندا مۇنداي الاياقتىق ٸستەرگە توسقاۋىل قويۋعا تولىق مٷمكٸندٸك بار. زاڭگەر ٸليياس سەريەۆ پەن پەريزات قايراتتىڭ ٸستەرٸ قوعامعا ساباق بولۋى تيٸس دەپ سانايدى.
"ەگەر سەريەۆتٸڭ كٸنەسٸ قىلمىستىق كودەكستٸڭ 190-بابىنىڭ 4-بٶلٸگٸمەن, ياعني "ازاماتتارعا اسا ٸرٸ كٶلەمدە ماتەريالدىق زالال كەلتٸردٸ" دەپ تانىلسا, وندا وعان قولدانىستاعى زاڭناماعا سەيكەس 5 جىلدان 10 جىلعا دەيٸن باس بوستاندىعىنان ايىرۋ جازاسى تاعايىندالۋى ەبدەن مٷمكٸن. ەدەتتە, مۇنداي ٸستەردە ماتەريالدىق زالالدىڭ كٶلەمٸ اسا ٸرٸ كٶلەمنەن اسىپ تٷسٸپ جاتادى. سوندىقتان وسى باپپەن جازا تاعايىندالۋى ىقتيمال. پەريزات قايراتقا قاتىستى دا دەل وسىنداي جازا قاراستىرىلۋى مٷمكٸن", – دەيدٸ ول.
سونداي-اق زاڭگەر "قايىرىمدىلىق" اتىن جامىلىپ جاسالاتىن الاياقتىقتىڭ جيٸلەۋٸنە زاڭناماداعى ولقىلىق ەمەس, باقىلاۋ مەن باسقارۋدىڭ ەلسٸزدٸگٸ سەبەپ ەكەنٸن باسا ايتتى.
"قىلمىستىق زاڭنامادا ەشتەڭەنٸ ٶزگەرتۋدٸڭ قاجەتٸ جوق. قىلمىستىق كودەكستٸڭ 190-بابى ارقىلى الاياقتىق جاساعانداردى جاۋاپكەرشٸلٸككە تارتۋعا بولادى. مىسالى, پەريزات قايراتتىڭ دا ٸسٸ دەل وسى باپ بويىنشا قوزعالدى. ول كەيٸننەن ۇستالدى. سوندىقتان ارنايى باقىلاۋ ۇيىمىن اشۋدىڭ نەمەسە جاڭا زاڭ قابىلداۋدىڭ قاجەتٸ جوق دەپ ەسەپتەيمٸن. بۇل قىلمىستىق ٸستەر بٷكٸل قازاقستاندا كەڭٸنەن تالقىلانادى. ونىڭ دا ٶزٸندٸك تەربيەلٸك مەنٸ بار. بولاشاقتا وسىنداي قىلمىس جاسايمىن دەگەن ازاماتتارعا بەلگٸلٸ بٸر دەرەجەدە توقتام بولادى دەپ ەسەپتەيمٸن", – دەپ قوستى ول.
ابزال قۇسپان قايىرىمدىلىق ۇيىمدارىنىڭ قىزمەتٸن جٷيەلٸ رەتتەۋ ٷشٸن ٷكٸمەتكە ناقتى تالاپ قويدى. زاڭگەردٸڭ سٶزٸنشە, مەملەكەت تٷركييانىڭ تەجٸريبەسٸن ٷلگٸ ەتٸپ الۋى تيٸس.
"مەنٸڭ ويىمشا, بۇل بٸزدٸڭ ٷكٸمەتتٸڭ ەلسٸزدٸگٸن كٶرسەتەدٸ. وسىدان ەكٸ جىل بۇرىن تٷركييادا ٷلكەن زٸلزالا بولدى. 50 مىڭعا جۋىق ادام قازا تاپتى. سول كەزدە تٷركييادا ورتالىقتاندىرىلعان بٸر قور اشىلىپ, مەملەكەت ٶزٸ باقىلاۋ جٷرگٸزدٸ. كٶمەك بەرگٸسٸ كەلگەن كەز كەلگەن ادام سول قورعا الاڭسىز اقشا اۋداردى. بارلىق قاراجاتتىڭ ەسەبٸ بەرٸلدٸ. مۇقتاج جاندارعا كٶمەكتٸ ٷكٸمەت ٶزٸ جەتكٸزٸپ وتىردى.
بٸزدٸڭ ٷكٸمەت تە دەل وسىنداي مٷمكٸندٸككە يە. وسى تۇستا, تٷركييانىڭ تەجٸريبەسٸن قولدانۋعا بولادى. بۇل ٷشٸن ارنايى زاڭ شىعارۋدىڭ قاجەتٸ جوق. بۇل جاعداي بەرٸمٸزگە ساباق بولادى. كٶمەكتەسەمٸن دەگەن ادامدارعا وسىنداي سەنٸمدٸ مەحانيزمدەر قاجەت", - دەپ تولىقتىردى ول.
ونىڭ سٶزٸنشە, قايىرىمدىلىق قورلارىنا دەگەن تالاپتى كٷشەيتۋ قاجەت.
"قولدانىستاعى "قوعامدىق بٸرلەستٸكتەر تۋرالى" جەنە "قوعامدىق قورلار تۋرالى" زاڭدار بار. سول زاڭدار اياسىندا كەز كەلگەن قوردى تەكسەرۋگە بولادى. ەگەر ٷكٸمەت قالاسا, سالىق ورگاندارى, قارجىلاي باقىلاۋ ۇيىمدارى ارقىلى جوسپاردان تىس تەكسەرٸس جٷرگٸزە الادى. ول ٷشٸن ازاماتتاردىڭ ارىزىن كٷتۋدٸڭ قاجەتٸ جوق.
مەسەلە – زاڭدا ەمەس, باقىلاۋدا. سوندىقتان مەملەكەت وسىنداي قوعامعا قاۋٸپ تٶندٸرەتٸن مەسەلەلەردە بەلسەندٸلٸك تانىتۋى كەرەك. بۇل كٶپتەگەن ازاماتتىڭ سەنٸمٸن قالپىنا كەلتٸرۋگە سەپ بولادى", - دەپ قوستى ول.
