اقش پرەزيدەنتى دونالد ترامپ اكىمشىلىگى تاعى 36 مەملەكەتتىڭ ازاماتتارى ءۇشىن امەريكا قۇراما شتاتتارىنا كىرۋگە تىيىم سالۋدى قاراستىرىپ جاتىر، دەپ حابارلايدى Dalanews.kz.
اقش مەملەكەتتىك حاتشىسى ماركو رۋبيو قول قويعان ىشكى ديپلوماتيالىق قۇجاتقا سايكەس، بۇل مەملەكەتتەرگە قاتىستى تۇزەتۋ شارالارىن قابىلداۋ قاجەت بولۋى مۇمكىن دەگەن تالاپ قويىلعان.
"دەپارتامەنت الاڭداتقان 36 ەلدى انىقتادى. ەگەر بۇل مەملەكەتتەر 60 كۇن ىشىندە كورسەتىلگەن تالاپتاردى ورىنداماسا، ولاردىڭ كىرۋىنە تولىق نەمەسە ءىشىنارا تىيىم سالىنۋى مۇمكىن"، — دەلىنگەن قۇجات مازمۇنىندا.
مەملەكەتتىك دەپارتامەنتتىڭ الاڭداۋ سەبەبى رەتىندە بۇل مەملەكەتتەردىڭ كەيبىرىندە جەكە باسىن كۋالاندىراتىن قۇجاتتاردى بەرە الاتىن قۇزىرەتتى مەكەمەلەر جوقتىعى كورسەتىلگەن.
سونداي-اق، كەيبىر مەملەكەتتەر وزدەرىنىڭ اقش اۋماعىنداعى ازاماتتارىن كەرى قابىلداۋعا اتسالىسپاعان. كەيبىرىنىڭ اقش ۆيزاسى بەرىلگەن ازاماتتارى ۆيزا مەرزىمىنەن اسىرىپ جىبەرگەن. سونىمەن قاتار، كەيبىر مەملەكەتتەردىڭ ازاماتتارى اقش اۋماعىندا تەررورلىق ارەكەتتەرگە، انتيسەميتتىك جانە انتيامەريكالىق ارەكەتتەرگە قاتىسقان دەگەن دەرەكتەر كەلتىرىلگەن.
60 كۇن ىشىندە بۇل ماسەلەلەر شەشىمىن تاپپاسا، مىنا مەملەكەتتەرگە تولىق نەمەسە ءىشىنارا كىرۋگە تىيىم سالىنۋى مۇمكىن: انگولا، انتيگۋا جانە باربۋدا، بەنين، بۋتان، بۋركينا-فاسو، كابو-ۆەردە، كامبودجا، كامەرۋن، كوت-d’يۆۋار، كونگو دەموكراتيالىق رەسپۋبليكاسى، دجيبۋتي، دومينيكا، ەفيوپيا، مىسىر، گابون، گامبيا، گانا، قىرعىزستان، ليبەريا، مالاۆي، ماۆريتانيا، نيگەر، نيگەريا، سەنت-كيتس جانە نيەۆيس، سەنت-ليۋسيا، سان-تومە جانە پرينسيپي، سەنەگال، وڭتۇستىك سۋدان، سيريا، تانزانيا، تونگا، تۋۆالۋ، ۋگاندا، ۆانۋاتۋ، زامبيا جانە زيمبابۆە.
