قازاقستاندا بٸر ادام ەكٸنشٸ ادامعا پەتەردٸ سىيعا تارتقان جاعدايدا, ونى العان ازامات جەكە تابىس سالىعىن (جتس) تٶلەمەيدٸ. بۇل تۋرالى مەملەكەتتٸك كٸرٸستەر كوميتەتٸ تٷسٸندٸرمە بەردٸ, دەپ حابارلايدى dalanews.kz.
ۆەدومستۆونىڭ مەلٸمەتٸنشە, جەكە تۇلعانىڭ باسقا بٸر جەكە تۇلعادان تەگٸن نەگٸزدە العان مٷلكٸ, ونىڭ ٸشٸندە سىيعا تارتىلعان نەمەسە مۇراعا قالعان مٷلٸك سالىق سالىناتىن تابىس بولىپ سانالمايدى.
سوندىقتان سىيلىققا العان پەتەر ٷشٸن جەكە تابىس سالىعىن تٶلەۋدٸڭ قاجەتٸ جوق.
الايدا بۇل ەرەجە كەسٸپكەرلٸك ماقساتتا پايدالانۋعا ارنالعان مٷلٸكتٸ تەگٸن العان جەكە كەسٸپكەرلەرگە قولدانىلمايدى.
سىيعا العان پەتەردٸ ساتساڭىز نە بولادى?
مكك مەلٸمەتٸنشە, ەگەر سىيعا الىنعان پەتەر مەنشٸك يەلٸگٸندە ەكٸ جىلدان از ۋاقىت بولىپ, 2026 جىلى ساتىلسا, كەي جاعدايدا جەكە تابىس سالىعى تۋىنداۋى مٷمكٸن.
مۇنداي جاعدايدا سالىق سالىناتىن تابىس پەتەردٸ ساتۋ باعاسى مەن ونىڭ باعالاۋ قۇنى اراسىنداعى وڭ ايىرما رەتٸندە ەسەپتەلەدٸ.
باعالاۋ قۇنى رەتٸندە مەنشٸك قۇقىعى پايدا بولعان جىلدىڭ 1 قاڭتارىنداعى مٷلٸك سالىعىن ەسەپتەۋ ٷشٸن بەلگٸلەنگەن قۇن الىنادى.
سونىمەن قاتار ەرەكشە جاعداي دا بار. ەگەر مٷلٸك 2026 جىلدىڭ 1 قاڭتارىنا دەيٸن تەگٸن الىنىپ, ال ساتۋ 2026 جىلدىڭ 1 قاڭتارىنان كەيٸن جٷزەگە اسسا, بۇرىنعى تەرتٸپ قولدانىلادى. ياعني مەنشٸك مەرزٸمٸ ەكٸ جىل ەمەس, بٸر جىلدان از بولعان جاعدايدا عانا سالىق مەسەلەسٸ قارالادى.
سالىق قالاي ەسەپتەلەدٸ?
كوميتەتتٸڭ تٷسٸندٸرۋٸنشە, تەگٸن الىنعان مٷلٸكتٸ ساتقان كەزدە ساتىپ الۋ قۇنى بولماعاندىقتان, ٶسٸمنەن تٷسەتٸن تابىس رەتٸندە كٶبٸنە ساتۋ قۇنىنىڭ ٶزٸ ەسەپكە الىنادى.
دەگەنمەن سالىق كودەكسٸندە بٸرقاتار ەرەكشەلٸك قاراستىرىلعان:
ەگەر مٷلٸكتٸڭ قۇنى بۇرىن سالىق سالىناتىن تابىس رەتٸندە ەسەپكە الىنعان بولسا, سول قۇن نەگٸزگە الىنادى;
مۇرا نەمەسە قايىرىمدىلىق رەتٸندە الىنعان مٷلٸك ٷشٸن نارىقتىق قۇن قولدانىلادى;
تۇرعىن ٷي سەكٸلدٸ مٷلٸك وبەكتٸلەرٸ ٷشٸن باعالاۋ قۇنى ەسەپكە الىنادى;
جەر ۋچاسكەلەرٸ بويىنشا كاداسترلىق قۇن پايدالانىلادى;
ٶزگە جاعدايلاردا ساتىپ الۋ قۇنى نٶلگە تەڭ دەپ ەسەپتەلەدٸ.
وسىلايشا, سىيلىققا بەرٸلگەن پەتەردٸ العان ازامات وعان بٸردەن سالىق تٶلەمەيدٸ. بٸراق مۇنداي باسپانانى كەيٸن ساتۋ كەزٸندە مەنشٸك مەرزٸمٸ مەن باعالاۋ قۇنىنا بايلانىستى سالىق مٸندەتتەمەسٸ تۋىنداۋى مٷمكٸن.
