قازاقستان پرەزيدەنتٸ پەكينگە 17-18 قازاندا ٶتەتٸن "بٸر بەلدەۋ, بٸر جول" فورۋمىنا قاتىسۋ ٷشٸن باردى. قىتايدىڭ "بٸر بەلدەۋ, بٸر جول" رەسمي پورتالىنىڭ مەلٸمەتٸنە قاراعاندا, بۇل باعدارلامانى جٷزدەگەن ەل قولداعان. پەكين وسى باستاماسىن جٷزەگە اسىرۋ ٷشٸن 200-گە جۋىق كەلٸسٸم جاساسقان.
قازاقستان پرەزيدەنتٸ قاسىم-جومارت توقاەۆ پەن قىتاي تٶراعاسى سي تسزينپين 17 قازاندا پەكيندە كەلٸسسٶز ٶتكٸزدٸ.
"ەڭگٸمە كەزٸندە سي تسزينپين توقاەۆتى "ەسكٸ دوسىم" دەپ اتاپ, قارقىندى دامىپ كەلە جاتقان قىتاي-قازاقستان قاتىناستارى ەكٸ ەلدٸڭ دامۋىنا جەنە ايماقتاعى بەيبٸتشٸلٸك پەن تۇراقتىلىقتى دامىتۋعا مٷمكٸندٸك بەرەدٸ دەپ مەلٸمدەدٸ" دەپ حابارلايدى CCTV.
"حالىقارالىق جاعداي قالاي ٶزگەرگەنٸنە قاراماستان قىتاي مەن قازاقستان ەۋ باستاعى ماقساتىنان اينىماي, ٶزارا كٶمەك, تاتۋ كٶرشٸلٸك تۇجىرىمداماسى مەن ەكٸ ەل اراسىنداعى سەرٸكتەستٸكتٸ جان-جاقتى دامىتا بەرۋگە تيٸس" دەگەن سي تسزينپين سٶزٸن Reuters اگەنتتٸگٸ دە تاراتتى.
اقوردانىڭ جازۋىنشا, قىتاي بيلٸگٸ قازاقستاننىڭ ەگەمەندٸگٸ مەن اۋماقتىق تۇتاستىعىن جەنە "توقاەۆتىڭ رەفورمالارىن" تولىق قولدايتىنىن اتاپ ٶتكەن.
قازاقستان پرەزيدەنتٸ قاسىم-جومارت توقاەۆ استانا مەن پەكين بارلىق باعىت بويىنشا ەكٸ مەملەكەت تيٸمدٸ بايلانىس ورناتقانىن اتاپ ٶتٸپ, "بٸر بەلدەۋ, بٸر جول" جوباسىنىڭ تاماشا قورىتىندىلارىمەن قۇتتىقتاعان.
توقاەۆتىڭ سٶزٸنشە, قىتاي جەتەكشٸسٸنٸڭ بىلتىر قىركٷيەكتەگٸ قازاقستانعا ساپارى ەكٸ ەل اراسىنداعى بايلانىستى نىعايتۋعا تىڭ سەرپٸن بەرگەن.
"ساپار اياسىندا ەلدەرٸمٸز اراسىنداعى ىنتىماقتاستىقتىڭ جاڭا "التىن 30 جىلدىعى" باستالدى. مەملەكەتتەرٸمٸز اراسىنداعى ساۋدا-ساتتىق تابىستى دامىپ كەلەدٸ. ينۆەستيتسييانىڭ جالپى كٶلەمٸ 21 ميلليارد دوللار بولاتىن 52 بٸرلەسكەن جوبا جٷزەگە اسىرىلىپ جاتىر. 2024 جىل قىتايدا قازاقستان تۋريزمٸ جىلى بولىپ جارييالاندى" دەدٸ توقاەۆ.
رەسمي اقپاراتقا قاراعاندا, ەكٸ تاراپ ەنەرگەتيكا, كٶلٸك-ترانزيت سالاسىن, اتوم ٶنەركەسٸبٸ مەن ٶنەركەسٸپ, ماشينا جاساۋ مەن تۋريزمدٸ دامىتۋ مەسەلەلەرٸن تالقىلاعان.
اقوردا تاراتقان اقپاراتقا قاراعاندا, قاسىم-جومارت توقاەۆ پەن سي تسزينپيننٸڭ كەلٸسسٶزٸنەن كەيٸن ەكٸ ەل دەلەگاتسيياسى قازاقستان مەن قىتاي اراسىنداعى ترانسكاسپيي حالىقارالىق كٶلٸك جولىن, سونىڭ ٸشٸندە قىتاي-ەۋروپا قاتىناسىنداعى كونتەينەرلٸك پويىز تاسىمالىن دامىتۋ جٶنٸندەگٸ كەلٸسٸمگە قول قويعان.
https://dalanews.kz/sadak/94115-bolat-nazarbaevtyng-altyn-biznesi-kim
