بٷگٸن قالا ەكٸمٸ باقىت سۇلتانوۆ پەن «وتانداستار» قورىنىڭ پرەزيدەنتٸ نۇرتاي ابىقاەۆ ٶزارا ىنتىماقتاستىق تۋرالى مەموراندۋمىنا قول قويدى.
تاراپتار ەلگە كٶشٸپ كەلگەن ەتنيكالىق قازاقتارعا قولداۋ كٶرسەتۋگە كەلٸستٸ. قالا ەكٸمٸ باقىت سۇلتانوۆ «وتانداستار» قورىن استانادا قوعامدىق-مەدەني شارالاردى بٸرلەسٸپ ٶتكٸزۋگە شاقىردى.
«ەلباسىنىڭ تاپسىرماسىمەن «وتانداستار قورى» قۇرىلىپ, ٶزٸڭٸزدٸڭ باسشىلىعىڭىزبەن اۋقىمدى ەرٸ ماڭىزدى جۇمىستار جٷرگٸزٸلۋدە. اتاپ ايتقاندا, الىس جەنە جاقىن شەتەلدەردەن قونىس اۋدارعان وتانداستارىمىزعا قۇقىقتىق, اقپاراتتىق, رۋحاني, پسيحولوگييالىق, تٸلدٸك كٶمەكتەر كٶرسەتۋ شارالارى قابىلدانىپ وتىر. بۇل رەتتە, جەرلەستەرٸمٸزدٸڭ جاڭا ورتاعا كٸرٸگٸپ, قوعامدىق ٶمٸرگە ەركٸن ارالاسۋىنا مٷمكٸندٸك جاساۋ ماڭىزدى سانالادى. ٶزدەرٸڭٸزگە مەلٸم, 2019 جىل – جاستار جىلى دەپ جارييالاندى. ونىڭ اياسىندا بٸز «وتانداستار» قورىن استانادا قوعامدىق-مەدەني شارالاردى بٸرلەسٸپ ٶتكٸزۋگە شاقىرامىز», – دەدٸ باقىت سۇلتانوۆ.
ەكٸمنٸڭ ايتۋىنشا, نۇر-سۇلتان قالاسىنا كەلگەن ەتنيكالىق قازاقتاردىڭ قوعامعا بەيٸمدەلۋٸنە جەنە ىقپالداسۋىنا كٶمەكتەسۋ ماقساتىندا ٷكٸمەتتٸك ەمەس ۇيىم ٶكٸلدەرٸ ارنايى جوبالاردى جٷزەگە اسىرادى دەپ جوسپارلانۋدا.
«ەلوردا كٷنٸ قارساڭىندا «وتانداستار» قورىمەن بٸرلەسٸپ «قاسيەتتٸ قازاق ەلٸ» حالىقارالىق فەستيۆالٸن ۇيىمداستىرامىز. سونىمەن قاتار, قازاق قولدانبالى ٶنەرٸن دامىتۋعا جەنە ناسيحاتتاۋعا ارنالعان «قازاق سەنٸ» ٸس-شاراسى ٶتكٸزٸلەتٸن بولادى. وسى باعىتتاعى جۇمىستار ەلباسىنىڭ «رۋحاني جاڭعىرۋ» جەنە «ۇلى دالانىڭ 7 قىرى» باعدارلامالارى اياسىندا دا جالعاسىن تاباتىن بولادى», – دەدٸ ەكٸم.
«وتانداستار» قورىنىڭ پرەزيدەنتٸ نۇرتاي ابىقاەۆ قوردىڭ قىزمەتٸ مەن باستى ماقساتتارى تۋرالى ايتىپ بەردٸ.
ونىڭ مەلٸمەتٸنە قاراعاندا, بولاشاقتا وسىنداي مەموراندۋم باسقا دا ايماقتارمەن جاسالاتىن بولادى. ەسكە سالايىق, 2017 جىلى دٷنيەجٷزٸ قازاقتارىنىڭ V قۇرىلتايىندا قازاقستان پرەزيدەنتٸ نۇرسۇلتان نازارباەۆتىڭ تاپسىرماسىمەن شەتتەگٸ جەنە ەلگە كٶشٸپ كەلگەن اعايىنداردى قولداۋ ٷشٸن «وتانداستار» قورى قۇرىلعان بولاتىن.
باستى باعىتىنىڭ بٸرٸ – بٸلٸم بەرۋ.
https://youtu.be/nlYpQYCGBtY
