1990 جىلداردا ٶزٸ باسقارعان پارتييانى قايتا جاڭعىرتاتىنىن ايتقان ولجاس سٷلەيمەنوۆ قازاقستان پرەزيدەنتٸ قاسىم-جومارت توقاەۆتىڭ ساياسي رەفورمالارىن قولدايتىنىن مەلٸمدەدٸ.
باستاماشىل توپ ٸشٸندەگٸ پارلامەنت سەناتىنىڭ بۇرىنعى دەپۋتاتى ومارحان ٶكسٸكباەۆتىڭ سٶزٸنشە, "تٸركەلمەگەن پارتييا قازٸردٸڭ ٶزٸندە "ەرتەلٸ-كەش كٸنەلٸنٸ ٸزدەپ, سىناي بەرمەي العا باساتىن, مەملەكەتتٸ نىعايتاتىن باعدارلاما جاساپ قويعان. ەندٸ پارتييا قۇجاتتارىن ەدٸلەت مينيسترلٸگٸنە جٸبەرۋ عانا قالعان".
جيىن كەزٸندە ولجاس سٷلەيمەنوۆ كەلەشەكتە قازاقستاندا ورىس تٸلٸنٸڭ ستاتۋسى تۋرالى مەسەلەسٸ كٶتەرٸلۋٸ مٷمكٸن ەكەنٸن ەسكەرتتٸ.
– بٸز قازٸر ۋكراينادا نە بولىپ جاتقانىن كٶرٸپ وتىرمىز. 2014 جىلى ۋكراينانىڭ دارىنسىز باسشىلارى ۋكراين تٸلٸن عانا زاڭدى تٸل دەپ جارييالادى, ورىس تٸلٸن زاڭسىز تٸل دەدٸ. سونىڭ نەتيجەسٸندە ۋكراينا شىن مەنٸنە كەلگەندە مەملەكەتتٸگٸنەن ايىرىلىپ قالدى, – دەدٸ ول.
"قازاقستان حالىق كونگرەسٸ" پارتيياسى العاش رەت 1991 جىلى كٷزدە قۇرىلىپ, وعان ولجاس سٷلەيمەنوۆ پەن مۇحتار شاحانوۆ تەڭ تٶراعا بولعان. ولار پارتييانى ليبەرال-دەموكراتييالىق قۇندىلىقتاردى قولدايتىن كٷش رەتٸندە سيپاتتاعان.
1993 جىلى مۇحتار شاحانوۆ پارتييانىڭ تەڭ تٶراعاسى قىزمەتٸنەن كەتٸپ, قازاقستاننىڭ قىرعىزستانداعى ەلشٸسٸ قىزمەتٸنە اۋىستى. ولجاس سٷلەيمەنوۆ 1994 جىلى "بيلٸككە كونسترۋكتيۆتٸ وپپوزيتسيياعا كٶشەتٸنٸن" مەلٸمدەپ, قازاقستان پرەزيدەنتٸ نۇرسۇلتان نازارباەۆتىڭ رەفەرەندۋم ارقىلى ٶز ٶكٸلەتٸن ۇزارتقىسى كەلەتٸن ەرەكەتٸن سىنادى.
"رەفەرەندۋمىن پايدالانىپ, پرەزيدەنت ٶز مانداتىن تاعى دا ۇزارتپاقشى. سٸرە, ٶز بيلٸگٸندەگٸ سايلاۋ ماشيناسىنىڭ مٷلت كەتپەيتٸن مەحانيزمٸنە سەنەتٸن بولار. ەرينە, 1991 جىلعى سايلاۋداعىداي 99 پروتسەنت دەپ جار سالۋدىڭ ىڭعايسىز ەكەنٸن پرەزيدەنت كومانداسى سەزەدٸ. حالىق بۇعان سەنبەيدٸ, ٶيتكەنٸ رەسپۋبليكانى تالاۋ مەن قايىرشىلىققا دۋشار ەتكەن پرەزيدەنت ساياساتىنا كٶپشٸلٸگٸ قارسى داۋىس بەرەدٸ" دەدٸ ول 1994 جىلى قاراشادا شەتەلدٸك اقپارات قۇرالدارىنىڭ بٸرٸنە بەرگەن سۇحباتىندا.
1996 جىلى ٶتۋگە تيٸس پرەزيدەنت سايلاۋىنا كانديداتۋراسىن ۇسىنۋعا ەزٸر ەكەنٸن ايتقان ولجاس سٷلەيمەنوۆ 1995 جىلى يتاليياعا ەلشٸ بولىپ كەتتٸ. سودان كەيٸن قازاقستاننىڭ حالىق كونگرەسٸ پارتيياسى ساياسات ساحناسىنان شىعىپ قالعان.
2010 جىلى نۇرسۇلتان نازارباەۆتىڭ ٶكٸلەتتٸگٸن 2020 جىلعا دەيٸن رەفەرەندۋم ارقىلى ۇزارتۋ جٶنٸندەگٸ باستاماشىل توپتىڭ ٷندەۋٸنە قول قويىپ, ونىڭ ٶكٸلەتٸن سايلاۋسىز سوزۋدى جاقتاعان ولجاس سٷلەيمەنوۆ قازاقستان حالقىن نۇرسۇلتان نازارباەۆتى قولداۋعا شاقىرىپ كەلدٸ.
بيىل 86 جاسقا تولاتىن سٷلەيمەنوۆ قاڭتار وقيعاسىنان كەيٸن نازارباەۆتى سىناپ, ونى قازاقستان كونستيتۋتسيياسىندا "تەۋەلسٸز قازاقستاننىڭ نەگٸزٸن سالۋشى" دەپ كٶرسەتۋگە قارسىلىق بٸلدٸردٸ.
كەيٸنگٸ كەزدەرٸ قازاقستاندا جاڭا ساياسي پارتييا قۇرۋ جٶنٸندە باستامالار جيٸلەگەن. بٸرقاتار ساياساتكەرلەر "ەل مەن جەر", "بٸزدٸڭ تاڭداۋ" ساياسي پارتييالارىن قۇراتىنىن مەلٸمدەگەن. ەدٸلەت مينيسترلٸگٸنٸڭ مەلٸمەتٸنشە, قازٸر "ەل تٸرەگٸ", "نامىس", "بايتاق", "حالىق دەربەستٸگٸ" پارتييالارى تٸركەۋ شارتىن ورىنداۋعا كٸرٸسكەن.
ەدٸلەت مينيسترلٸگٸ "العا قازاقستان" وپپوزيتسييالىق پارتيياسىن قۇرۋ باستاما توبىنىڭ قۇجاتىن تٸركەۋدەن باس تارتقان. بۇعان دەيٸن بٸرنەشە رەت تٸركەلە الماعانىن مەلٸمدەگەن "قازاقستاننىڭ دەموكراتييالىق پارتيياسىنىڭ" جەتەكشٸسٸ جانبولات ماماي ٶزٸنە قوزعالعان ەكٸ قىلمىستىق ٸس بويىنشا ( “بيلٸك ٶكٸلٸن قورلاۋ” جەنە “جالعان اقپارات تاراتۋ”) قاماۋدا وتىر. ونىڭ جاقتاستارى تاعىلعان ايىپتىڭ ساياسي استارى بار دەپ ەسەپتەيدٸ.
