مەرەكەلىك سالتاناتتى كەشكە ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين، ق ر ءبىلىم جانە عىلىم ۆيسە-مينيسترى قۋانىش ەرعالييەۆ، ق ر پارلامەنتى ءماجىلىسىنىڭ دەپۋتاتى يرينا سميرنوۆا، جوو رەكتورلارى، عالىمدار، زيالى قاۋىم وكىلدەرى، سدۋ تۇلەكتەرى مەن جەرگىلىكتى اكىمشىلىك مەكەمەلەرىنىڭ وكىلدەرى قاتىستى.
ارنايى جىلى لەبىزدەرىمەن كەلگەن قوناقتار ۋنيۆەرسيتەتكە جاقسى تىلەكتەرى مەن سىيلىقتارىن بەرىپ، مەرەكەلىك كونسەرتتىڭ كۋاگەرى بولىپ قايتتى.
ق ر ءبىلىم جانە عىلىم مينيسترلىگىنىڭ اتىنان ۆيسە-مينيسترى قۋانىش ەرعالييەۆ تاۋەلسىزدىكتىڭ 30 جىلدىعىنا وراي سدۋ قاۋىمداستىعىنداعى 30 قىزمەتكەرگە ءبىلىم جانە عىلىم جولىنداعى كوپ جىلعى ەڭبەكتەرى ءۇشىن العىس حاتتارمەن ماراپاتتادى.
سونىمەن قاتار، ءسدۋ-دىڭ تۇلەگى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين جينالعان قاۋىمعا ستۋدەنتتىك كەزدەردەگى ەستەلىكتەرىن ايتىپ، ۋنيۆەرسيتەت ۇجىمىن 25 جىلدىق مەرەيتويمەن قۇتتىقتادى.
سدۋ رەكتورى داۆرون گايپوۆ ءوز كەزەگىندە سدۋ-دىڭ پروفەسسور-وقىتۋشىلىق قۇرامىن، ستۋدەنتتەرىن جانە بارلىق قىزمەتكەرلەرى مەن تۇلەكتەردى وقۋ ورنىنىڭ 25 جىلدىق مەرەيتويىمەن قۇتتىقتادى.
"شيرەك عاسىر ۋاقىت ىشىندە تۇلەپ ۇشقان 7 مىڭنان اسا شاكىرتتەرىمىز تەك قازاقستاندا عانا ەمەس، الىس-جاقىن شەتەلدەردە قىزمەت ەتىپ، پەداگوگيكا مەن اقپاراتتىق تەحنولوگيالار، قۇقىق، الەۋمەتتىك عىلىمدار جانە بيزنەس سالاسى بويىنشا ەڭبەك نارىعىندا وزىق ويلارى مەن تەرەڭ ۇشقىرلىقتارىنىڭ ارقاسىندا ەرەكشەلەنىپ كەلەدى. بۇل ءۇردىس ودان ءارى جالعاسىن تابادى دەگەن ۇلكەن سەنىمدەمىز.
الەمدىك ارەنادا باسەكەگە قابىلەتتى كاسىبي ماماندار جانە ۇلتتىق قۇندىلىقتاردى بويىنا سىڭىرگەن، حالقىنا ادال تۇلعالاردى شىعارۋ ءبىزدىڭ تۇپكىلىكتى ماقساتتارىمىزدىڭ ءبىرى. سول ماقساتتارعا قول جەتكىزىپ، ەلىمىز گۇلدەنە بەرسىن"، – دەدى داۆرون گايپوۆ.
ءسدۋ-دىڭ تۇلەگى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين وقۋ ورنىندا ءبىلىم العان ۋاقىتتى ەسكە الىپ، ۋنيۆەرسيتەتتىڭ باستى قۇندىلىقتارىن تىلگە تيەك ەتتى.
"ۇلكەندەردى قۇرمەت تۇتىپ، كىشىلەرگە دەمەۋ بولىپ، ءوزارا سىيلاستىق ورناتۋعا تاربيەلەيتىن. ەگەر بىرەۋ وقۋ بارىسىندا قينالىپ جۇرسە نەمەسە سىناقتان وتە الماسا، وقىتۋشىلار كوزبە-كوز سويلەسىپ، سەبەبىن انىقتاپ، جان-جاقتى قولداۋ كورسەتەتىن. ولار بىزگە ۇلكەن سەنىم ارتىپ، جىگەرلەندىرىپ، شابىتتاندىرىپ وتىراتىن.
ءالى ەسىمدە، بىردە ءبىز ۇستازىمىزعا ءوز يدەيامىز (ستارتاپىمىز؛) جايلى ايتتىق، الايدا ونى جۇزەگە اسىرۋعا كومپيۋتەرىمىز بولمادى. ال ول بىزگە ساباقتان كەيىن تاجىريبەحاناعا كەلىپ، جوبامەن جۇمىس ىستەۋگە رۇقسات ەتتى. ءسويتىپ ءبىز دوستارىمىزبەن بىرگە ءبىر اي ىشىندە ءوز ءونىمىمىزدى جاساپ شىعاردىق.
سدۋ جاستاردى ۇلكەن ومىرگە دايىنداۋ مىندەتىن ابىرويمەن اتقارىپ كەلەدى.
كەزىندە وسى ۋنيۆەرسيتەتتى تاڭداعانىمدى ماقتان ەتەمىن. مەنى شاقىرعاندارىڭىزعا العىس ايتىپ، ءاربىر ستۋدەنتكە ساتتىلىك تىلەيمىن. سدۋ-دىڭ مارتەبەسى بيىك، مەرەيى ۇستەم بولسىن"، – دەدى مۋسين.
Dalanews.kz انىقتاماسى:
سۋلەيمان دەميرەل اتىنداعى ۋنيۆەرسيتەتى – 1996 جىلى تۇڭعىش پرەزيدەنت- ەلباسى نۇرسۇلتان ءابىش ۇلى نازاربايەۆ پەن ەلىمىزدىڭ تاۋەلسىزدىگىن العاش تانىعان ەلدەردىڭ قاتارىنداعى تۇركيا مەملەكەتىنىڭ 9-شى پرەزيدەنتى سۋلەيمان دەميرەلدىڭ قاتىسۋىمەن اشىلدى.
شيرەك عاسىردا وقىتۋدى اعىلشىن تىلىندە جۇرگىزگەن ەلىمىزدەگى العاشقى ۋنيۆەرسيتەتتەردىڭ ءبىرى بولىپ تابىلاتىن سدۋ-دا 55 ءبىلىم بەرۋ باعدارلاماسى، ونىڭ ىشىندە 28 باكالاۆريات، 20 ماگيستراتۋرا، 7 دوكتورانتۋرا باعدارلامالارى بويىنشا 7 مىڭنان اسا تۇلەك شىعاردى. ونىڭ ىشىندە ءبىلىم بەرۋ باعدارلامالارىنىڭ 80%-دان استامى اعىلشىن تىلىندە، قالعانى قازاق جانە ورىس تىلدەرىندە جۇرگىزىلەدى.
وقۋ ورنى اسىرەسە IT سالاسىندا، ينجەنەريا، قۇقىق، ەكونوميكا جانە بيزنەس سالالارىندا وزىق ويلارى مەن تەرەڭ ۇشقىرلىقتارىنىڭ ارقاسىندا ەرەكشەلەنىپ كەلەدى.
ۋنيۆەرسيتەتتىڭ ستراتەگيالىق دامۋ جوسپارىنىڭ باستى ماقساتى – ەلىمىزدەگى جانە ورتا ازياداعى تاڭداۋلى، حالىقارالىق ۇلگىدەگى جوعارعى وقۋ ورىندارىنىڭ ءبىرى بولۋ.
