ستراتەگيالىق ماڭىزدى شيكىزاتتى ەلدەن جاسىرىن اكەتپەك بولعاندار ۇستالدى،- دەپ حابارلايدى Dalanews.kz.
بۇل تۋرالى ق ر ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس مالىمدەدى.
"جەتىسۋ وبلىسىندا پوليسيا دەپارتامەنتىنىڭ جەدەل قىزمەتكەرلەرى ستراتەگيالىق ماڭىزى بار شيكىزات سانالاتىن قورعاسىننىڭ ءىرى پارتياسىن زاڭسىز اكەتۋگە جول بەرمەدى. 60 توننادان اسا قورعاسىن تيەلگەن ەكى جۇك كولىگى توقتاتىلدى، ونىڭ نارىقتاعى قۇنى 60 ميلليون تەڭگەدەن اسادى. جۇك زاڭسىز ەكسپورتقا جىبەرىلمەك بولعان"، - دەدى ول.
قىلمىستىق سحەمانى ۇيىمداستىرعاندار انىقتالىپ، ولاردى ۇستاۋ بويىنشا جەدەل ءىس-شارالار جۇرگىزىلىپ جاتىر.
بۇعان دەيىن وسىنداي جاعدايلار ەلىمىزدىڭ باسقا وڭىرلەرىندە دە انىقتالعان بولاتىن. كىنالىلەر زاڭعا سايكەس جاۋاپكەرشىلىككە تارتىلعان.
