تٷركٸستان وبلىسى سوزاق اۋدانىندا زەينەتكەر مەكتەپتەر مەن بٸلٸم بٶلٸمٸندەگٸ جەمقورلىق دەرەكتەرٸن جايىپ سالدى, - دەپ حابارلايدى Dalanews.kz Qaz365.kz-كە سٸلتەپ.
ٶڭٸر ەكٸمٸ نۇرالحان كٶشەروۆتٸڭ سوزاق اۋدانى تۇرعىندارىمەن كەزدەسۋٸ بارىسىندا اقساقالدار كەڭەسٸنٸڭ تٶراعاسى وسىنداي مەلٸمدەمە جاساپ, ەكٸمنەن مەسەلەنٸ شەشٸپ بەرۋدٸ سۇراعان.
“نەمەرەلەرٸمٸز جوعارى وقۋ ورنىن بٸتٸرٸپ كەلگەن سوڭ مەكتەپكە جۇمىسقا ورنالاسايىن دەسە, وبلىس ورتالىعىنا بارىپ بٸلٸكتٸلٸگٸن تەكسەرەتٸن تەست تاپسىرۋدى مٸندەتتەيدٸ. وبلىس ورتالىعى تٷركٸستانعا بارىپ تەست تاپسىرىپ, ٶتٸپ تۇرسا دا, "اتى-جٶنٸڭ كومپيۋتەردە شىقپاي تۇر, اۋدانعا بارىپ ەنگٸزٸپ كەلٸڭٸز" دەپ قايتارىپ جٸبەرەدٸ. اۋدانعا كەلسە مەكتەپ ديرەكتورىنا جٸبەرەدٸ. ال مەكتەپ ديرەكتورى اتىڭدى بازاعا ەنگٸزۋ ٷشٸن 1,5 ملن تەڭگە سۇرايدى. بەرسەڭ تٸركەيدٸ, بەرمەسەڭ جوق. ال ەگەر بەرەتٸن بولساڭ, وبلىستاعى تەستتەن ٶتسەڭ دە, ٶتپەسەڭ دە ٶتكٸزٸپ جٸبەرەدٸ", - دەگەن ول كەزدەسۋدە.
قارييا بٸلٸم ساپاسى جايىن دا قوزعاعان.
"مەكتەپ بٸتٸرەتٸن بالالارىمىزدىڭ 25-تەن تەك بەسەۋٸ گرانتقا وقۋعا تٷسەدٸ. قالعان 20-سى اقىلى وقيدى. بۇرىن بٸزدٸڭ كەزٸمٸزدە اۋىل بالالارىنىڭ بەرٸ تەگٸن وقيتىن ەدٸ. بٸلٸم ساپاسى جاقسى ەدٸ. قازٸر بٸلٸم بەرۋ دەڭگەيٸ تٷسٸپ كەتتٸ. وعان سەبەپ: مەكتەپتەرگە اۋداننان كەلگەن كوميسسيياعا دەپ 5 مىڭ, وبلىستان كەلگەن كوميسسيياعا 10 مىڭنان مۇعالٸمدەردەن اقشا جيناپ الادى. كەلگەن كوميسسييا مەكتەپ اسحاناسىنا جايىلعان داستارحانعا كەلەدٸ دە, جينالعان اقشانى الىپ قايتىپ كەتەدٸ. بٸلٸم ساپاسىن, مەكتەپ-سىنىپتاردىڭ جايىن, وقۋشىلاردى تەكسەرمەيدٸ. وسى مەسەلەنٸ شەشٸپ بەرۋٸڭٸزدٸ سۇرايمىن, ەكٸم مىرزا”, – دەدٸ جيىندا سٶز سٶيلەگەن اۋىل اقساقالى.
باسىلىم مەلٸمەتٸنشە, وبلىس ەكٸمٸ اقساقالدىڭ سٶزٸن تىڭداپ, مەسەلەلەردٸ شەشۋگە اۋدان تۇرعىندارىنىڭ كٶمەكتەسۋٸن سۇراعان.
“اقساقال, نەمەرەلەرٸڭٸزبەن بولعان وقيعادا قۇقىق قورعاۋ ورگاندارىنا ارىزدانسىن. ناقتى فاكتٸلەر كەلتٸرسە, ەشكٸم مۇنداي قىلمىستان جالتارىپ كەتە المايدى. قاشانعى مۇنداي جاعدايلارعا كٶز جۇمىپ جٷرە بەرمەكپٸز?! سوندىقتان وسىنداي جاعدايلار كەزدەسسە, بٸردەن قۇقىق قورعاۋ ورگاندارىنا, ەكٸمدٸكتەرگە ارىز-شاعىممەن بارىڭىزدار. سٸزدەر بولىپ, بٸز بولىپ مۇنداي جاعدايلاردىڭ الدىن الۋىمىز كەرەك. ول ٷشٸن ٶزدەرٸڭٸزدٸڭ اشىقتىقتارىڭىز بەن قاجىرلى كٶمەكتەرٸڭٸز قاجەت”, – دەدٸ وبلىس ەكٸمٸ نۇرالحان كٶشەروۆ.
