سقو پوليسەيلەرى سيرەك كەزدەسەتىن قارۋدى زاڭسىز ساقتاعان ازاماتتى ۇستادى، دەپ حابارلايدى Dalanews.kz.
سولتۇستىك قازاقستان وبلىسى پوليسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرىنە اتىس قارۋىن زاڭسىز ساقتايتىن وبلىس ورتالىعىنىڭ تۇرعىنى تۋرالى جەدەل اقپارات كەلىپ ءتۇستى.
9 شىلدەدە ازاماتتىڭ تۇرعىلىقتى جەرى بويىنشا تەرگەۋ ءىس-قيمىلدارى بارىسىندا ونىڭ ءۇيى مەن گاراجىنىڭ جەرتولەسىنەن شپاگينا پۋلەمەتى، موسين مىلتىعىنىڭ پىشاعى، تراۆماتيكالىق جانە پنيەۆماتيكالىق تاپانشالار، 11 بىرلىك ءتۇرلى ءوق-دارى، 8 پىشاق تاركىلەندى.
اتىس جانە سۋىق قارۋدى زاڭسىز ساقتاۋ فاكتىسى بويىنشا قىلمىستىق ءىس قوزعالدى. قىلمىستىق ءىس شەڭبەرىندە تاركىلەنگەن زاتتار بويىنشا سوت ساراپتامالارى تاعايىندالدى، تەرگەۋ ارەكەتتەرى جۇرگىزىلىپ جاتىر.
