SQO politseileri sirek kezdesetin qarýdy zańsyz saqtaǵan azamatty ustady, dep habarlaidy Dalanews.kz.
Soltústik Qazaqstan oblysy politsiia departamenti ekstremizmge qarsy is-qimyl basqarmasynyń qyzmetkerlerine atys qarýyn zańsyz saqtaityn oblys ortalyǵynyń turǵyny týraly jedel aqparat kelip tústi.
9 shildede azamattyń turǵylyqty jeri boiynsha tergeý is-qimyldary barysynda onyń úii men garajynyń jertólesinen Shpagina pýlemeti, Mosin myltyǵynyń pyshaǵy, travmatikalyq jáne pnevmatikalyq tapanshalar, 11 birlik túrli oq-dári, 8 pyshaq tárkilendi.
Atys jáne sýyq qarýdy zańsyz saqtaý faktisi boiynsha qylmystyq is qozǵaldy. Qylmystyq is sheńberinde tárkilengen zattar boiynsha sot saraptamalary taǵaiyndaldy, tergeý áreketteri júrgizilip jatyr.
