سولتۇستىك قازاقستان وبلىسىنىڭ پروكۋرورلارى شەتەل ازاماتتارىنا جەكە سايكەستەندىرۋ نومىرلەرىن بەرۋ كەزىندە زاڭ بۇزۋشىلىقتاردى انىقتادى، دەپ حابارلايدى Dalanews.kz.
تەكسەرۋ ناتيجەسىندە بەلگىلى بولعانداي، “ازاماتتارعا ارنالعان ۇكىمەت” مەملەكەتتىك كورپوراسياسىنىڭ وبلىستىق فيليالى زاڭ تالاپتارىن ەلەمەي، قازاقستان اۋماعىندا بولماعان شەتەلدىكتەردىڭ اتىنان 720 ءوتىنىش راسىمدەگەن. وسىلايشا، ولارعا زاڭسىز تۇردە جەكە سايكەستەندىرۋ نومىرلەرى بەرىلگەن.
پروكۋراتۋرانىڭ قاداعالاۋ اكتىسىنەن كەيىن كىنالىلەر جاۋاپكەرشىلىككە تارتىلىپ، زاڭسىز بەرىلگەن جسن-دەردى جويۋ شارالارى قولعا الىندى.
سونىمەن قاتار 3 شىلدەدە قاداعالاۋ ورگانىنىڭ ماتەريالدارى نەگىزىندە پەتروپاۆل قالاسى مەن م.جۇمابايەۆ اۋدانىنىڭ پوليسيا بولىمدەرى قىلمىستىق كودەكستىڭ 206-بابىنىڭ 2-بولىگى («اقپاراتتى زاڭسىز جويۋ نەمەسە وزگەرتۋ») بويىنشا سوتقا دەيىنگى تەرگەۋدى باستادى.
قازىرگى ۋاقىتتا تەرگەۋ امالدارى ءجۇرىپ جاتىر. ونىڭ بارىسى وبلىس پروكۋراتۋراسىنىڭ قاتاڭ باقىلاۋىندا.
