سولتۇستىك قازاقستان وبلىسىندا جۇك كولىگى مەن جەڭىل كولىك سوقتىعىسىپ، ءتورت ادام قازا تاپتى، دەپ حابارلايدى Dalanews.kz.
استانا – پەتروپاۆل تاسجولىندا بولعان جول اپاتىنا بايلانىستى قىلمىستىق ءىس قوزعالدى. وقيعا سالدارىنان جەڭىل كولىكتىڭ جۇرگىزۋشىسى مەن ءۇش جولاۋشىسى كوز جۇمدى.
ءوڭىردىڭ پوليسيا دەپارتامەنتىنىڭ مالىمەتىنشە، 8 قاڭتاردا Toyota Camry كولىگى مەن Shacman جۇك كولىگى جول اپاتىنا ۇشىراعان. الدىن الا دەرەككە سايكەس Toyota Camry قارسى باعىتتاعى جولاققا شىعىپ كەتىپ، قارسى كەلە جاتقان جۇك كولىگىمەن سوقتىعىسقان.
بۇل وقيعاعا بايلانىستى سوتالدى تەرگەۋ باستالدى.
سقو پوليسيا دەپارتامەنتى جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا شاقىردى.
