سولتۇستىك قازاقستان وبلىسىنىڭ پروكۋرورلارى بيۋدجەتتىڭ نەگىزسىز شىعىندارىنىڭ الدىن الدى، دەپ حابارلايدى Dalanews.kz.
قاداعالاۋ ورگانى تەكسەرۋلەر شەڭبەرىندە سيفرلاندىرۋعا بولىنگەن بيۋدجەت قاراجاتىنىڭ نەگىزسىز جۇمسالۋىنان كورىنىس تاپقان ورەسكەل بۇزۋشىلىقتاردى انىقتادى.
ايىرتاۋ، اقجار، ەسىل، مامليۋت، تايىنشا، ءۋاليحانوۆ اۋداندارىنىڭ جانە ع.مۇسىرەپوۆ اتىنداعى، شال اقىن اۋداندارىنىڭ ءبىلىم بولىمدەرىنىڭ لاۋازىمدى تۇلعالارى بيۋدجەت كودەكسىنىڭ تالاپتارىن جانە مەملەكەتتىك ساتىپ الۋدى جۇزەگە اسىرۋ قاعيدالارىن بۇزا وتىرىپ، ءبىلىم بەرۋ مەكەمەلەرىن (مەكتەپتەردى) ينتەرنەت جەلىسىنە قوسۋ بويىنشا قىزمەتتەر كورسەتۋگە 360 ملن تەڭگەدەن استام سوماعا شارتتار جاساستى.
بۇل رەتتە ناقتى كورسەتىلگەن قىزمەتتەر تەحنيكالىق ەرەكشەلىكتەردە كورسەتىلگەن سيپاتتامالارعا سايكەس كەلمەدى.
اقجار اۋدانىندا «پەداگوگ مارتەبەسى تۋرالى» ق ر زاڭىنىڭ تالاپتارىنا قايشى، گوركيي ورتا مەكتەبىنىڭ مۇعالىمدەرى روۋتوردى ءوز قاراجاتى ەسەبىنەن تولەدى، ويتكەنى بەرىلگەن ينتەرنەت تومەن جىلدامدىققا بايلانىستى پارامەترلەرگە سايكەس كەلمەدى.
پروكۋرورلىق قاداعالاۋ اكتىلەرى بويىنشا كىنالى لاۋازىمدى تۇلعالار تارتىپتىك جاۋاپكەرشىلىككە تارتىلدى، قىزمەتتەر قۇنىن تومەندەتۋ تۋرالى قوسىمشا كەلىسىمدەر جاسالدى، بۇل بيۋدجەت قاراجاتىنىڭ 75،8 ملن تەڭگە سوماسىنا نەگىزسىز شىعىستارىنىڭ الدىن الۋعا مۇمكىندىك بەردى.
وبلىس پروكۋراتۋراسى بيۋدجەت قاراجاتىن جۇمساۋ كەزىندە زاڭدىلىقتى قامتاماسىز ەتۋ بويىنشا جۇمىستى جالعاستىرۋدا.
